دیدنی — آواز: ایمان | شاعر: مصطفی زیدی
مقرر / سپیکر
دیدنی
میری پلکوں کو مت دیکھو
ان کا اٹھنا ان کا جھپکنا جسم کا نا محسوس عمل ہے
میری آنکھوں کو مت دیکھو
ان کی اوٹ میں شام غریباں ان کی آڑ میں دشت ازل ہے
میرے چہرے کو مت دیکھو
اس میں کوئی وعدۂ فردا اس میں کوئی آج نہ کل ہے
اب اس دریا تک مت آؤ جس کی لہریں ٹوٹ چکی ہیں
اس سینے سے لو نہ لگاؤ جس کی نبضیں چھوٹ چکی ہیں
اب میرے قاتل کو چاہو
میرا قاتل مرہم مرہم دریا دریا ساحل ساحل
قاضئ شہر کا ماتھا چومو
جس کے قلم میں زہر ہلاہل جس کے سخن میں لحن ہلاہل
اب اس رقص کی دھن پہ ناچو
جس کی گیت پہ لٹ گیا قاضی جس کی لے پر بک گیا قاتل
شاعر: مصطفی زیدی
آواز: ایمان
Deedani
Meri palkon ko mat dekho
In ka uthna in ka jhapakna jism ka na mehsoos amal hai
Meri aankhon ko mat dekho
In ki oot mein shaam-e-ghareeban in ki aad mein dasht-e-azal hai
Mere chehre ko mat dekho
Is mein koi wada-e-farda is mein koi aaj na kal hai
Ab is darya tak mat aao jis ki lehrein toot chuki hain
Is seene se lau na lagao jis ki nabzein chhoot chuki hain
Ab mere qatil ko chaho
Mera qatil marham marham darya darya saahil saahil
Qazi-e-shehar ka maatha choomo
Jis ke qalam mein zehar-e-halahal jis ke sukhan mein lahn-e-halahal
Ab is raqs ki dhun pe naacho
Jis ki geet pe lut gaya qazi jis ki lay par bik gaya qatil
مقرر کے بارے میں
خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں
مکمل سوانح دیکھیں