مجھے پھول صبر کر لیں مجھے باغباں بھلا دے — آواز: ایمان | شاعر: قمرجلالوی
مقرر / سپیکر
مجھے پھول صبر کر لیں مجھے باغباں بھلا دے
مجھے پھول صبر کر لیں مجھے باغباں بھلا دے
کہ قفس میں تنگ آ کر مرے اور ہیں ارادے
مرے بعد گر کے بجلی نہ قفس میں دل دکھا دے
مجھے قید کرنے والے مرا آشیاں جلا دے
میرا منہ کفن سے کھولا مجھے دیکھ کر وہ بولے
یہ نیا لباس کیوں ہے یہ کہاں ے ہیں ارادے
میں قفس میں مطمئن ہوں کہ سمجھ لیا ہے میں نے
یہ چمن نہیں کہ بجلی مرا آشیاں جلا دے
مجھے پھول سے زیادہ ہے قفس میں یادِ شبنم
جو چمن میں چار آنسو مِرے نام پر بہا دے
نہیں ہم ہی جب چمن میں تو چمن سے پھر غرض کیا
کوئی پھول توڑ ڈالے کوئی آشیاں جلا دے
مری زندگی ہی کیا ہے میں چراغِ رہگزر ہوں
جسے اک ہوا کا جھونکا ابھی آئے ابھی بجھا دے
وہ ہر اک سے پوچھتے ہیں کہ فدا ہے کیوں زمانہ
انہیں حسن کی خبر کیا کوئی آئینہ دکھا دے
تجھے خود خبر ہے ظالم کہ جہانِ رنگ و بو میں
ترے حسن کے ہیں چرچے مرے عِشق کو دعا دے
شبِ ہجر بات جب ہے کہ قمر کو وہ نالے
کوئی توڑ دے ستارے کوئی آسماں ہلا دے
شاعر: قمرجلالوی
آواز: ایمان
Mujhe phool sabr kar lein mujhe baghban bhula de
Mujhe phool sabr kar lein mujhe baghban bhula de
Ke qafas mein tang aa kar mere aur hain irade
Mere baad gar ke bijli na qafas mein dil dikha de
Mujhe qaid karne wale mera aashiyan jala de
Mera munh kafan se khola mujhe dekh kar woh bole
Yeh naya libas kyun hai yeh kahan se hain irade
Main qafas mein mutmain hoon ke samajh liya hai main ne
Yeh chaman nahin ke bijli mera aashiyan jala de
Mujhe phool se ziyada hai qafas mein yaad-e-shabnam
Jo chaman mein chaar aansoo mere naam par baha de
Nahin hum hi jab chaman mein to chaman se phir gharaz kya
Koi phool tod daale koi aashiyan jala de
Meri zindagi hi kya hai main chiragh-e-reh-guzar hoon
Jise ek hawa ka jhonka abhi aaye abhi bujha de
Woh har ek se poochte hain ke fida hai kyun zamana
Unhein husn ki khabar kya koi aaina dikha de
Tujhe khud khabar hai zalim ke jahan-e-rang-o-boo mein
Tere husn ke hain charche mere ishq ko dua de
Shab-e-hijr baat jab hai ke Qamarؔ ko woh naale
Koi tod de sitare koi aasmaan hila de
مقرر کے بارے میں
خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں
مکمل سوانح دیکھیں