سُن سانسوں کے سلطان پیا — آواز: ایمان | شاعر: زین شکیل
مقرر / سپیکر
سُن سانسوں کے سلطان پیا
سُن سانسوں کے سلطان پیا
ترے ہاتھ میں میری جان پیا
میں تیرے بن ویران پیا
تو میرا کُل جہان پیا
مری ہستی، مان، سمان بھی تو
مرا زھد، ذکر، وجدان بھی تو
مرا، کعبہ، تھل، مکران بھی تو
میرے سپنوں کا سلطان بھی تو
کبھی تیر ہوئی، تلوار ہوئی
ترے ہجر میں آ بیمار ہوئی
کب میں تیری سردار ہوئی
میں ضبط کی چیخ پکار ہوئی
مرا لوں لوں تجھے بلائے وے
مری جان وچھوڑا کھائے وے
ترا ہجر بڑا بے درد سجن
مری جان پہ بن بن آئے وے
مری ساری سکھیاں روٹھ گئیں
مری رو رو اکھیاں پھوٹ گئیں
تجھے ڈھونڈ تھکی نگری نگری
اب ساری آسیں ٹوٹ گئیں
کبھی میری عرضی مان پیا
میں چپ، گم صم، سنسان پیا
میں ازلوں سے نادان پیا
تو میرا کُل جہاں پیا
مری تھم تھم جاوے سانس پیا
مری آنکھ کو ساون راس پیا
تجھے سن سن دل میں ہوک اٹھے
ترا لہجہ بہت اداس پیا
ترے پیر کی خاک بنا ڈالوں
مرے تن پر جتنا ماس پیا
تُو ظاہر بھی، تُو باطن بھی
ترا ہر جانب احساس پیا
تری نگری کتنی دور سجن
مری جندڑی بہت اداس پیا
میں چاکر تیری ازلوں سے
تُو افضل، خاص الخاص پیا
مجھے سارے درد قبول سجن
مجھے تیری ہستی راس پیا
مِرا چین پیا، مرِی جان پیا
مِری جندڑی کا سلطان پیا
تِرے باہج حرام ہے جگ سارا
مجھے قسم رسول، قرآن پیا
تری راہ تکتے ہیں نین مرے
کبھی دل کا بن مہمان پیا
مِرا ہیرا، لوء لوء، موتی تُو
یاقوت مِرا، مرجان پیا
مِرا تیور تُو، مِرا کومل تُو
مِرا بھیرو، شُد کلیان پیا
مِرا نَحنُ اَقرَب بس اِک تُو
مِرا کعبہ، تھَل، مکران پیا
مِرا بھی تُو، مِرا مان بھی تُو
مرا زُھد، ذکر، وجدان پِیا
مرے پیروں میں زنجیر پِیا
اب نین بہاویں نیر پِیا
اے شاہ مرے اک بار تو آ
تو وارث، میں جاگیر پِیا
تم سپنوں کی تعبیر پِیا
بے نام ہوئی، گم نام ہوئی
کیوں چاہت کا انجام ہوئی
مرا مان رہے، مجھے نام ملے
اک بار کرو تحریر پِیا
تم سپنوں کی تعبیر پِیا
کب زلف کے گنجل سلجھیں گے
کب نیناں تم سے الجھیں گے
کب تم ساون میں آؤ گے
کب بدلے گی تقدیر پِیا
تم سپنوں کی تعبیر پِیا
سب تیر جگر کے پار گئے
مجھے سیدے کھیڑے مار گئے
آ رانجھے آ کر تھام مجھے
تری گھائل ہو گئی ہیر پِیا
تم سپنوں کی تعبیر پِیا
میں جل جل ہجر میں راکھ ہوئی
میں کندن ہو کر خاک ہوئی
اب درشن دو، آزاد کرو
اب معاف کرو تقصیر پِیا
تم سپنوں کی تعبیر پیا
شاعر: زین شکیل
آواز: ایمان
Sun Saanso'n ke Sultan Piya
Sun saanso'n ke Sultan piya
Tere haath mei'n meri jaan piya
Mai'n tere bin veeraan piya
Tu mera kul jaha'n piya
Meri hasti, maan, samaan bhi tu
Mera zuhd, zikr, wajdaan bhi tu
Mera, Kaaba, Thal, Makraan bhi tu
Mere sapno'n ka Sultan bhi tu
Kabhi teer hui, talwaar hui
Tere hijr mei'n aa beemaar hui
Kab mai'n teri sardar hui
Mai'n zabt ki cheekh pukaar hui
Mera lo'n lo'n tujhe bulaaye we
Meri jaan vichhoda khaaye we
Tera hijr bada be-dard sajan
Meri jaan pe ban ban aaye we
Meri saari sakhiya'n rooth gayii'n
Meri ro ro akhiya'n phoot gayii'n
Tujhe dhoond thaki nagri nagri
Ab saari aasein toot gayii'n
Kabhi meri arzi maan piya
Mai'n chup, gum-sum, sunsaan piya
Mai'n azalo'n se nadaan piya
Tu mera kul jaha'n piya
Meri tham tham jaave saans piya
Meri aankh ko Saawan raas piya
Tujhe sun sun dil mei'n hook uthe
Tera lehja bahut udaas piya
Tere pair ki khaak bana daalu'n
Mere tan par jitna maas piya
Tu zaahir bhi, tu baatin bhi
Tera har jaanib ehsaas piya
Teri nagri kitni door sajan
Meri jindadi bahut udaas piya
Mai'n chaakar teri azalo'n se
Tu afzal, khaas-ul-khaas piya
Mujhe saare dard qubool sajan
Mujhe teri hasti raas piya
Mera chain piya, meri jaan piya
Meri jindadi ka Sultan piya
Tere baahaj haraam hai jag saara
Mujhe qasam Rasool, Qur'an piya
Teri raah takte hai'n nain mere
Kabhi dil ka ban mehmaan piya
Mera heera, lo' lo', moti tu
Yaqoot mera, marjaan piya
Mera tewar tu, mera komal tu
Mera bheru, shud kalyaan piya
Mera nahnu aqrab bas ik tu
Mera Kaaba, Thal, Makraan piya
Mera bhi tu, mera maan bhi tu
Mera zuhd, zikr, wajdaan piya
Mere pairo'n mei'n zanjeer piya
Ab nain bahavei'n neer piya
Aye Shah mere ek baar toh aa
Tu waaris, mai'n jaageer piya
Tum sapno'n ki taabeer piya
Be-naam hui, gum-naam hui
Kyu'n chaahat ka anjaam hui
Mera maan rahe, mujhe naam mile
Ek baar karo tehreer piya
Tum sapno'n ki taabeer piya
Kab zulf ke gunjal suljhei'n ge
Kab nainaa'n tum se uljhei'n ge
Kab tum Saawan mei'n aao ge
Kab badlegi taqdeer piya
Tum sapno'n ki taabeer piya
Sab teer jigar ke paar gaye
Mujhe seedhe khede maar gaye
Aa Raanjhe aa kar thaam mujhe
Teri ghaayal ho gayi Heer piya
Tum sapno'n ki taabeer piya
Mai'n jal jal hijr mei'n raakh hui
Mai'n kundan ho kar khaak hui
Ab darshan do, azaad karo
Ab maaf karo taqseer piya
Tum sapno'n ki taabeer piya
مقرر کے بارے میں
خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں
مکمل سوانح دیکھیں