ایک عاشق سے سرِ راہ ملاقات ہوئی

ایک عاشق سے سرِ راہ ملاقات ہوئی
بڑی تفصیل سے پھر اُس سے مِری بات ہوئی
میں نے پوچھا تِری پوشاک یہ دھانی کیوں ہے
چشمِ ویراں میں چُھپا درد کا پانی کیوں ہے
میں نے پوچھا کہ یہ گیسو ہیں پریشاں کیونکر
چاک کر رکھا ہے تُو نے یہ گریباں کیونکر
کیوں ہے چہرے پہ یہ صدیوں کی مسافت صاحب!
الجھی الجھی سی ہے کیوں تیری طبیعت صاحب!
تیری پوشاک کی شکنوں میں شکایت کیوں ہے
تیری آنکھوں میں یہ دریاؤں سی وحشت کیوں ہے
پاؤں زخمی ہیں زمیں پر بھی نہیں ٹکتے ہیں
مَیں سمجھتا ہوں تِرے پاؤں میں بھی چھالے ہیں
آنکھ چپ چاپ ہے اشکوں سے بہت بھاری ہے
ایسا لگتا ہے چھلک جانے کی تیاری ہے
ہونٹ لگتا ہے کہ صدیوں سے کسی آس میں ہیں
اُن کی خاموشی سے لگتا ہے بہت پیاس میں ہیں
میری باتوں کا تسلسل تھا کہ رُکتا ہی نہ تھا
ایسا لگتا تھا کہ شاید اسے سنتا ہی نہ تھا
وہ بہت دیر خموشی سے مجھے سنتا رہا
کبھی خود کو کبھی چہرے کو مِرے تکتا رہا
پھر ہنسا اتنا ہنسا اتنا کہ ہنستا ہی گیا
میں ڈرا اتنا ڈرا اتنا کہ ڈرتا ہی گیا
پھر مجھے پیار سے پہلو میں بٹھایا اس نے
بڑی تفصیل سے یوں عشق پڑھایا اس نے
تجھ کو حیرت مِرے گیسو مِری پوشاک سے ہے
زخمی پیروں سے ہے اور سر میں پڑی خاک سے ہے
تجھ کو بتلاتا ہوں ایسا مجھے کیا لاحق ہے
تجھ سے اس لمحہ مخاطب ہے جو، اِک عاشق ہے
عشق کا نام تو تُو نے بھی سنا ہو شاید
کیسے ہوتا ہے یہ کم بخت پڑھا ہو شاید
عشق ہستی بھی ہے مستی بھی ہے پندار بھی ہے
عشق آنسو بھی ہے نوحہ بھی ہے آزار بھی ہے
عشق پاگل ہے دوانہ بھی ہے اُستاد بھی ہے
عشق گریہ بھی تمنا بھی ہے فریاد بھی ہے
عشق بستی بھی ہے جنگل بھی ہے زندان بھی ہے
عشق مذہب ہے عقیدہ بھی ہے ایمان بھی ہے
عشق مکتب بھی ہے، استاد بھی،اُسلوب بھی ہے
عشق یوسفؑ بھی ہے عیسؑیٰ بھی ہے یعقوبؑ بھی ہے
عشق یونسؑ بھی ہے منصور بھی تبریز بھی ہے
عشق کومل سا تبسم بھی جنوں خیز بھی ہے
عشق حمزہؓ بھی علیؓ بھی یہ بلالِ حبشی
اور یہ مکہّ کا ہے قریہ یہی طائف کی گلی
عشق اصغرؓ بھی ہے اکبرؓ بھی ہے حسنینؑ بھی ہے
عشق زینبؓ بھی ہے عباسؓ بھی ہے زینؓ بھی ہے
عشق آدمؑ بھی ہے ادریسؑ، خلیلؑ اللہ بھی
عشق کے داعی رہے موسیٰ کلیم اللہ بھی
عشق ہی نعرہءِ توحید ہے اسلام بھی ہے
عشق آغاز بھی دوران بھی انجام بھی ہے
عشق جو عین بھی ہے شین بھی ہے قاف بھی ہے
عشق دعویٰ بھی ہے منصف بھی ہے انصاف بھی ہے
عشق ظالم ہے جو بازار میں بِکواتا ہے
بیچ بازار کے عاشق کو یہ نچواتا ہے
عشق نے چیر کے عاشق کو بھی دو لخت کیا
جب بھی چاہا کسی بد بخت کو خوش بخت کیا
یہ تو معمولی سی لغزش پہ سزا دیتا ہے
کر کے مدہوش یہ سسی کو سُلا دیتا ہے
عشق پاگل ہے دُعاؤں سے اُلجھ پڑتا ہے
اتنا خود سر ہے خداؤں سے اُلجھ پڑتا ہے
عشق آتش سے نہ سولی سے کبھی ڈرتا ہے
عشق دُنیا کے خداؤں سے نہیں مرتا ہے
پردے اک اور حقیقت سے اٹھانے ہوں گے
حضرتِ عشق کے اوصاف بتانے ہوں گے
اِس نے جنگل میں بھی بستی کا نظارہ دیکھا
اِس نے ہر روز محبت کا شمارہ دیکھا
اس نے بپھری ہوئی موجوں سے لڑائی کی ہے
جو بھی پوشیدہ تھی اس کو وہ دکھائی دی ہے
اس نے جلتی ہوئی آتش میں قدم رکھا ہے
زہرِ قاتل کا بھی ہنس ہنس کے مزا چکھا ہے
اس نے تپتی ہوئی آتش کو زباں پر رکھا
اس نے ہنستے ہوئے ہر ظلم کو جاں پر رکھا
حُسنِ لیلیٰ نے محبت کی زیارت کی ہے
اِس کی فرہاد نے مجنوں نے وضاحت کی ہے
حُسنِ یوسفؑ میں ہے پوشیدہ جوانی اس کی
نوعِ انسان سے پہلے تھی کہانی اس کی
اس کو مارے ہیں زمانے نے اٹھا کر پتھر
اس نے رکھے ہیں وہ سینے سے لگا کر پتھر
اس کے بازو کبھی گردن کبھی سر کٹتا ہے
پھر بھی محبوب کے مقصد سے نہیں ہٹتا ہے
مذہبِ عشق کا آئین انوکھا دیکھا
اصل کے نام پہ ہوتا یہاں دھوکا دیکھا
عشق عاشق سے بغاوت کا عقیدہ مانگے
عشق عاشق سے محبت کا وظیفہ مانگے
ان کی پوشاک کی شکنوں پہ نہ جاؤ صاحب!
وحشتِ چشم کے سمجھو گے نہ بھاؤ صاحب!
ان کی میراث ہے پاؤں کے ابلتے چھالے
بڑے مضبوط ہیں ہونٹوں پہ لگائے تالے
جیسے اس عشق کی تعریف نہیں ممکن ہے
ایسے عاشق کی بھی توصیف نہیں ممکن ہے
زلف و رخسار کے رسیا کو نہ عاشق کہنا
جب بھی کہنا ہے اُسے عشق کا فاسق کہنا
جو بھی بتلایا محبت سے سنبھالے رکھنا
یاد یہ قصّے یہ حکمت یہ حوالے رکھنا
آج کے واسطے اتنی ہی نصیحت ہے بہت
عشق کی راہ میں صدمے ہیں صعوبت ہے بہت
میں یہ بولا کہ بتا دو تو چلا جاؤں گا
کیا کبھی عشق کے عُقدے کو سمجھ پاؤں گا
کہہ اٹھا فال نکالی ہے تِرا نام بھی ہے
حلقہ ءِ عشق میں دانشؔ جی تِرا کام بھی ہے

شاعر: دانش عزیز

آواز: امل خان

Ek aashiq se sar-e-raah mulaqaat hui

Ek aashiq se sar-e-raah mulaqaat hui
Badi tafseel se phir us se meri baat hui
Main ne poochha teri poshaak yeh dhaani kyun hai
Chashm-e-veeraan mein chhupa dard ka paani kyun hai
Main ne poochha ke yeh geesoo hain pareshaan kyun kar
Chaak kar rakha hai tu ne yeh girebaan kyun kar
Kyun hai chehre pe yeh sadiyon ki musafat Sahab!
Uljhi uljhi si hai kyun teri tabiyat Sahab!
Teri poshaak ki shaknon mein shikaayat kyun hai
Teri aankhon mein yeh daryaon si wahshat kyun hai
Paaon zakhmi hain zameen par bhi nahin tikte hain
Main samajhta hoon tere paaon mein bhi chhaale hain
Aankh chup chaap hai ashkon se bahut bhaari hai
Aisa lagta hai chhalak jaane ki taiyaari hai
Hont lagta hai ke sadiyon se kisi aas mein hain
Un ki khamoshi se lagta hai bahut pyaas mein hain
Meri baaton ka tasalsul tha ke rukta hi na tha
Aisa lagta tha ke shayad isay sunta hi na tha
Woh bahut der khamoshi se mujhe sunta raha
Kabhi khud ko kabhi chehre ko mere takta raha
Phir hansa itna hansa itna ke hansta hi gaya
Main dara itna dara itna ke darta hi gaya
Phir mujhe pyaar se pehloo mein bithaya us ne
Badi tafseel se yooN ishq padhaya us ne
Tujh ko hairat mere geesoo meri poshaak se hai
Zakhmi pairon se hai aur sar mein padi khaak se hai
Tujh ko batlata hoon aisa mujhe kya laahiq hai
Tujh se is lamha mukhatib hai jo, ik aashiq hai
Ishq ka naam to tu ne bhi suna ho shayad
Kaise hota hai yeh kambakht padha ho shayad
Ishq hasti bhi hai masti bhi hai pindaar bhi hai
Ishq aansu bhi hai nauha bhi hai aazaar bhi hai
Ishq pagal hai deewana bhi hai ustaad bhi hai
Ishq girya bhi tamanna bhi hai faryaad bhi hai
Ishq basti bhi hai jangal bhi hai zindaan bhi hai
Ishq mazhab hai aqeedah bhi hai eemaan bhi hai
Ishq maktab bhi hai, ustaad bhi, uslub bhi hai
Ishq Yusuf bhi hai Isa bhi hai Yaqub bhi hai
Ishq Yunus bhi hai Mansoor bhi Tabrez bhi hai
Ishq komal sa tabassum bhi junoon-khez bhi hai
Ishq Hamza bhi Ali bhi yeh Bilal-e-Habshi
Aur yeh Makka ka hai qarya yehi Taif ki gali
Ishq Asghar bhi hai Akbar bhi hai Hasnain bhi hai
Ishq Zainab bhi hai Abbas bhi hai Zain bhi hai
Ishq Adam bhi hai Idrees, Khalilullah bhi
Ishq ke daayi rahe Moosa Kaleemullah bhi
Ishq hi naara-e-tauheed hai Islam bhi hai
Ishq aaghaaz bhi duraan bhi anjaam bhi hai
Ishq jo Ain bhi hai Sheen bhi hai Qaaf bhi hai
Ishq daawa bhi hai munsif bhi hai insaaf bhi hai
Ishq zaalim hai jo bazaar mein bikwaata hai
Beech bazaar ke aashiq ko yeh nachwaata hai
Ishq ne cheer ke aashiq ko bhi do lakht kiya
Jab bhi chaha kisi badbakht ko khushbakht kiya
Yeh to mamooli si laghzish pe saza deta hai
Kar ke madhosh yeh Sassi ko sula deta hai
Ishq pagal hai duaon se uljh padta hai
Itna khudsar hai khudaon se uljh padta hai
Ishq aatish se na sooli se kabhi darta hai
Ishq duniya ke khudaon se nahin marta hai
Parde ik aur haqeeqat se uthane honge
Hazrat-e-ishq ke ausaf batane honge
Is ne jangal mein bhi basti ka nazara dekha
Is ne har roz mohabbat ka shumara dekha
Is ne biphri hui maujon se ladaai ki hai
Jo bhi poshida thi us ko woh dikhaai di hai
Is ne jalti hui aatish mein qadam rakha hai
Zehr-e-qaatil ka bhi hans hans ke maza chakkha hai
Is ne tapti hui aatish ko zubaan par rakha
Is ne hanste hue har zulm ko jaan par rakha
Husn-e-Laila ne mohabbat ki ziyarat ki hai
Is ki Farhad ne Majnoon ne wazahat ki hai
Husn-e-Yusuf mein hai poshida jawani us ki
Nau-e-insaan se pehle thi kahani us ki
Is ko maare hain zamane ne utha kar patthar
Is ne rakhe hain woh seene se laga kar patthar
Is ke baazu kabhi gardan kabhi sar katta hai
Phir bhi mehboob ke maqsad se nahin hatta hai
Mazhab-e-ishq ka aaeen anokha dekha
Asal ke naam pe hota yahan dhoka dekha
Ishq aashiq se baghaawat ka aqeedah maange
Ishq aashiq se mohabbat ka wazifa maange
In ki poshaak ki shaknon pe na jaao Sahab!
Wahshat-e-chashm ke samjhoge na bhaao Sahab!
In ki meeraas hai paaon ke ubalte chhaale
Bade mazboot hain honton pe lagaye taale
Jaise is ishq ki taareef nahin mumkin hai
Aise aashiq ki bhi tauseef nahin mumkin hai
Zulf-o-rukhsaar ke rasiya ko na aashiq kehna
Jab bhi kehna hai usay ishq ka faasiq kehna
Jo bhi batlaaya mohabbat se sambhaale rakhna
Yaad yeh qisse yeh hikmat yeh hawaale rakhna
Aaj ke waste itni hi naseehat hai bahut
Ishq ki raah mein sadme hain sa'oobat hai bahut
Main yeh bola ke bata do to chala jaaunga
Kya kabhi ishq ke uqde ko samajh paaunga
Keh utha faal nikaali hai tera naam bhi hai
Halqa-e-ishq mein Danishؔ ji tera kaam bhi hai

مقرر کے بارے میں

Me, Myself

مکمل سوانح دیکھیں

ایک عاشق سے سرِ راہ ملاقات ہوئی — آواز: امل خان | شاعر: دانش عزیز

مقرر / سپیکر