اک دوجے کو دیر سے سمجھا دیر سے یاری کی — آواز: امل خان | شاعر: انجم سلیمی
مقرر / سپیکر
اک دوجے کو دیر سے سمجھا دیر سے یاری کی
اک دوجے کو دیر سے سمجھا دیر سے یاری کی
ہم دونوں نے ایک محبت باری باری کی
خود پر ہنسنے والوں میں ہم خود بھی شامل تھے
ہم نے بھی جی بھر کر اپنی دل آزاری کی
اک آنسو نے دھو ڈالی ہے دل کی ساری میل
ایک دیے نے کاٹ کے رکھ دی گہری تاریکی
دل نے خود اصرار کیا اک ممکنہ ہجرت پر
ہم نے اس مجبوری میں بھی خود مختاری کی
چودہ برس کے ہجر کو امشب رخصت کرنا ہے
سارا دن سو سو کر جاگنے کی تیاری کی
ہم بھی اسی دنیا کے باسی تھے سو ہم نے بھی
دنیا والوں سے تھوڑی سی دنیا داری کی
انجمؔ ہم عشاق میں اونچا درجہ رکھتے ہیں
بے شک عشق نے ایسی کوئی سند نہ جاری کی
شاعر: انجم سلیمی
آواز: امل خان
Ik dooje ko der se samjha der se yaari ki
Ik dooje ko der se samjha der se yaari ki
Hum donon ne ek muhabbat baari baari ki
Khud par hansne walon mein hum khud bhi shamil the
Hum ne bhi ji bhar kar apni dil-aazari ki
Ik aansoo ne dho daali hai dil ki saari mail
Ek diye ne kaat ke rakh di gehri tareeki
Dil ne khud israr kiya ik mumkinah hijrat par
Hum ne is majboori mein bhi khud-mukhtari ki
Chaudah baras ke hijr ko imshab rukhsat karna hai
Saara din so so kar jaagne ki tayyari ki
Hum bhi isi duniya ke baasi the so hum ne bhi
Duniya walon se thodi si duniya-daari ki
Anjum! hum ushaq mein ooncha darja rakhte hain
Beshaq ishq ne aisi koi sanad na jaari ki
مقرر کے بارے میں
Me, Myself
مکمل سوانح دیکھیںدیگر کلام
- ‹ بے وجہ تحفظ کی ضرورت بھی نہیں ہے
- ‹ چلتے رہے تو کون سا اپنا کمال تھا
- ‹ شہر کے دکاں دارو کاروبار الفت میں سود کیا زیاں کیا ہے تم نہ جان پاؤ گے
- ‹ پھرتے ہیں کب سے در بدر اب اس نگر اب اس نگر اک دوسرے کے ہم سفر میں اور مری آوارگی
- ‹ آپ جیسوں کے لیے اس میں رکھا کچھ بھی نہیں
- ‹ میں نے چاہا تو نہیں تھا کہ کبھی ایسا ہو