عشق نے حسن کی بیداد پہ رونا چاہا — آواز: امل خان | شاعر: حفیظ جالندھری
مقرر / سپیکر
عشق نے حسن کی بیداد پہ رونا چاہا
عشق نے حسن کی بیداد پہ رونا چاہا
تخم احساس وفا سنگ میں بونا چاہا
آنے والے کسی طوفان کا رونا رو کر
نا خدا نے مجھے ساحل پہ ڈبونا چاہا
سنگ دل کیوں نہ کہیں بت کدے والے مجھ کو
میں نے پتھر کا پرستار نہ ہونا چاہا
حضرت شیخ نہ سمجھے مرے دل کی قیمت
لے کے تسبیح کے رشتے میں پرونا چاہا
کوئی مذکور نہ تھا غیر کا لیکن تم نے
باتوں باتوں میں یہ نشتر بھی چبھونا چاہا
دیدۂ تر سے بھی سرزد ہوا اک جرم عظیم
حشر میں نامۂ اعمال کو دھونا چاہا
مرتے مرتے بھی توقع رہی دل داری کی
رکھ کے سر زانوئے تقدیر پہ سونا چاہا
ہائے کس درد سے کی ضبط کی تلقین مجھے
ہنس پڑے دوست جو میں نے کبھی رونا چاہا
جنس شہرت بہت ارزاں تھی مگر میں نے حفیظؔ
دولت درد کو بے کار نہ کھونا چاہا
شاعر: حفیظ جالندھری
آواز: امل خان
Ishq ne husn ki bedad pe rona chaha
Ishq ne husn ki bedad pe rona chaha
Tukhm-e-ehsas-e-wafa sang mein bona chaha
Aane wale kisi toofan ka rona ro kar
Na-khuda ne mujhe sahil pe dubona chaha
Sang-dil kyun na kahein but-kade wale mujh ko
Main ne patthar ka parastar na hona chaha
Hazrat-e-Shaikh na samjhe mere dil ki qimat
Le ke tasbeeh ke rishte mein parona chaha
Koi mazkoor na tha ghair ka lekin tum ne
Baaton baaton mein yeh nishtar bhi chubhona chaha
Deedah-e-tar se bhi sarzad hua ik jurm-e-azeem
Hashr mein namah-e-aamal ko dhona chaha
Marte marte bhi tawaqqo rahi dil-dari ki
Rakh ke sar zanu-e-taqdeer pe sona chaha
Haaye kis dard se ki zabt ki talqeen mujhe
Hans pade dost jo main ne kabhi rona chaha
Jins-e-shohrat bahut arzan thi magar main ne, Hafeez
Daulat-e-dard ko bekar na khona chaha
مقرر کے بارے میں
Me, Myself
مکمل سوانح دیکھیںدیگر کلام
- ‹ بے وجہ تحفظ کی ضرورت بھی نہیں ہے
- ‹ چلتے رہے تو کون سا اپنا کمال تھا
- ‹ شہر کے دکاں دارو کاروبار الفت میں سود کیا زیاں کیا ہے تم نہ جان پاؤ گے
- ‹ پھرتے ہیں کب سے در بدر اب اس نگر اب اس نگر اک دوسرے کے ہم سفر میں اور مری آوارگی
- ‹ آپ جیسوں کے لیے اس میں رکھا کچھ بھی نہیں
- ‹ میں نے چاہا تو نہیں تھا کہ کبھی ایسا ہو