کہاں سیاست اغیار نے ہلاک کیا — آواز: امل خان | شاعر: باصر سلطان کاظمی
مقرر / سپیکر
کہاں سیاست اغیار نے ہلاک کیا
کہاں سیاست اغیار نے ہلاک کیا
ہمیں تو اپنے ہی افکار نے ہلاک کیا
کسی کی موت کا باعث تھی خانہ ویرانی
کسی کو رونق گلزار نے ہلاک کیا
کسی کے واسطے پھولوں کی سیج موجب مرگ
کسی کو جادۂ پر خار نے ہلاک کیا
کسی کو شعلۂ خورشید نے جلا ڈالا
کسی کو سایۂ اشجار نے ہلاک کیا
سواد شام کسی کے لئے پیام اجل
کسی کو صبح کے آثار نے ہلاک کیا
کسی کی جان گئی دیکھ کر ترا جلوہ
کسی کو حسرت دیدار نے ہلاک کیا
کوئی شکار ہوا اپنی ہچکچاہٹ کا
کسی کو جرأت اظہار نے ہلاک کیا
کسی کا تختہ بچھایا نصیب خفتہ نے
کسی کو طالع بیدار نے ہلاک کیا
وہی ہلاکو کہ جس نے کیے ہزاروں ہلاک
اسے بھی وقت کی یلغار نے ہلاک کیا
کسی کو مار گیا اس کا کم سخن ہونا
کسی کو کثرت اشعار نے ہلاک کیا
وہی خسارہ ہے سب کی طرح ہمیں درپیش
ہمیں بھی گرمئ بازار نے ہلاک کیا
کبھی تباہ ہوئے مشورہ نہ ملنے سے
کبھی نوشتۂ دیوار نے ہلاک کیا
ملی تھی جس کے لبوں سے نئی حیات ہمیں
اسی کی شوخئ گفتار نے ہلاک کیا
خدا کا شکر کہ پستی نہ ہم کو کھینچ سکی
ہمیں بلندیٔ معیار نے ہلاک کیا
شاعر: باصر سلطان کاظمی
آواز: امل خان
Kahan siyasat-e-aghyar ne halak kiya
Kahan siyasat-e-aghyar ne halak kiya
Humein to apne hi afkar ne halak kiya
Kisi ki maut ka baais thi khana veerani
Kisi ko raunaq-e-gulzar ne halak kiya
Kisi ke waste phoolon ki sej moujib-e-marg
Kisi ko jadah-e-pur-khar ne halak kiya
Kisi ko shola-e-khursheed ne jala dala
Kisi ko saya-e-ashjar ne halak kiya
Sawad-e-shaam kisi ke liye payam-e-ajal
Kisi ko subh ke aasar ne halak kiya
Kisi ki jaan gayi dekh kar tera jalwa
Kisi ko hasrat-e-deedar ne halak kiya
Koi shikar hua apni hichkichaahat ka
Kisi ko jurat-e-izhaar ne halak kiya
Kisi ka takhta bichhaya naseeb-e-khufta ne
Kisi ko talay-e-bedaar ne halak kiya
Wahi Halaku ke jis ne kiye hazaron halak
Use bhi waqt ki yalghaar ne halak kiya
Kisi ko maar gaya is ka kam sukhan hona
Kisi ko kasrat-e-ash'aar ne halak kiya
Wahi khasara hai sab ki tarah humein darpesh
Humein bhi garmi-e-bazaar ne halak kiya
Kabhi tabah hue mashwara na milne se
Kabhi nawishta-e-deewar ne halak kiya
Mili thi jis ke labon se nayi hayat humein
Isi ki shokhi-e-guftaar ne halak kiya
Khuda ka shukr ke pasti na hum ko kheench saki
Humein bulandi-e-meyaar ne halak kiya
مقرر کے بارے میں
Me, Myself
مکمل سوانح دیکھیںدیگر کلام
- ‹ بے وجہ تحفظ کی ضرورت بھی نہیں ہے
- ‹ چلتے رہے تو کون سا اپنا کمال تھا
- ‹ شہر کے دکاں دارو کاروبار الفت میں سود کیا زیاں کیا ہے تم نہ جان پاؤ گے
- ‹ پھرتے ہیں کب سے در بدر اب اس نگر اب اس نگر اک دوسرے کے ہم سفر میں اور مری آوارگی
- ‹ آپ جیسوں کے لیے اس میں رکھا کچھ بھی نہیں
- ‹ میں نے چاہا تو نہیں تھا کہ کبھی ایسا ہو