پیار پوجا ہے — آواز: امل خان | شاعر: پنجابی شعرا

پیار پوجا ہے

پیار پوجا ہے
پیار ہے عبادت سروں
پیار زندہ راہنڑ کیتے ساہ ہوندا ہے
پیار دل ہے تے دلدار وی پیار ہے ،
پیار روح دے تعلق د راہ ہوندا ہے
ساری دنیا دے فتنے فسادیں کنوں
پیار محفوظ جئیں ہک پناہ ہوندا ہے
پیار ذاتیں اوقاتیں کنوں معتبر
پیار شاہیں دا وی شہنشاہ ہوندا ہے
پیار ہے تاں زمیں ، چندر ، تارے کنوں
اچیاں پروازاں خاکی ڈکھیندہ وادے
پیار نہیں تان اے کیا ہے جو بندہ بشر
ہک تصور کون سجدے کریندہ وادے
ایں ناں سمجھیں تاں آ میں ڈساواں تیکوں
پیار سچا ہے رب دی عطا پیار ہے
پیار پھل اے تے پھلیں تے شبنم وی ہے ،
پیار رم جھم ہے باد صبا پیار ہے
پیار ساجد تے سجدے دے اندر ڈسے
جیہڑا مسجود ہے او خدا پیار ہے
پیار موت ہے تاں موت اچ بقا ہوندی ہے ،
پیار دکھ اے تان دکھ دی دوا پیار ہے
میں تیکوں پیار کیتے تان وزبر جھیں ،
ڈکھ حیاتی دے ہن سارے نمے تھئے
پیار جیکر گناہ ہے تاں محشر دے ڈینہ
تیڈے سارے گناہ میڈے ذمے تھئے
توں سخی ہیں تیڈا کم سخاوت جو ہے
،نمی اھدا جو ایں نہ تے ایں حال دے
نمی اھدا جو پہلے بہوں کال ہن ،
نمی اھدا جو نہ کوئی نواں کال دے
نمی اھدا جو میں تیڈا بھایئوال ہاں ،
نمی اھدا جو بھایئوالی بھایئوال دے
اتنا احساس کر بنڑ کے گستاخ میں
آکھ باہواں نہ سانول سہیندا وادے
میں پیغمبر تاں نہیں ول سرعام کیوں
میکوں مالک بازار اچ وچیندہ وادے
اوویں نائب خدا ہاں مگر دوستا
میڈا سردار توں میڈا سلطان توں
میڈی اکھیں د چاننڑ میڈی زندگی ،
میڈی پوجا وی توں میڈا بھگوان توں
کیچ بھمبھور توں ،تھل دے ٹبڑے وی توں ،
رلی سسی سا حاکم پنل خان توں
میں تیڈے رلدے پچھانویں جیھا
، میڈی قامت بلندی میڈا شان توں
تیڈا ہر ہک حکم میڈے سر اکھیں تے
ایندی تعمیل کون بندگی اکھساں
توڑے ہوساں جنازے دے بستر اتے
میکوں سڈ ماریں توں تیکوں جی اکھساں
اصغر گرمانی

شاعر: پنجابی شعرا

آواز: امل خان