وہ تنہائی ہو یا محفل ہو تسکیں دل کی مشکل ہے — آواز: امل خان | شاعر: سیماب اکبر آبادی
مقرر / سپیکر
وہ تنہائی ہو یا محفل ہو تسکیں دل کی مشکل ہے
وہ تنہائی ہو یا محفل ہو تسکیں دل کی مشکل ہے
بنا لیتا ہے خود اپنے لئے جلوے یہ وہ دل ہے
ہے باطل محفل عالم تو پھر مشکل ہی مشکل ہے
مری نظریں بھی باطل ہیں ترا جلوہ بھی باطل ہے
وہاں ہوں میں جہاں تمئیز حسن و عشق مشکل ہے
ہر اک جلوہ اب آغوش نظر میں جلوۂ دل ہے
کمال علم و تحقیق مکمل کا یہ حاصل ہے
ترا ادراک مشکل تھا ترا ادراک مشکل ہے
یہ ویرانی تصور کی وہ رنگینی خیالوں کی
کبھی محفل میں خلوت ہے کبھی خلوت میں محفل ہے
غلط سمجھا جو تو محدود سمجھا راہ ہستی کو
جہاں ہوتی ہے منزل ختم وہ آغاز منزل ہے
جنوں کا ہاتھ دامن سے نہ پہنچا پردۂ دل تک
ابھی باقی وہی پابندیٔ آداب محمل ہے
بقدر ظرف و ہمت سہل و مشکل ہے رہ الفت
یہاں ساحل بھی دریا ہے یہاں دریا بھی ساحل ہے
اڑا کر دھجیاں پیراہن ہستی کی خوش تھا میں
ندا آئی یہ دیوانے جنوں کی پہلی منزل ہے
ہوئی معلوم وجہ اضطراب و شورش عالم
یہاں دل ہے ہر اک ذرہ ہر اک ذرہ میں اک دل ہے
میں غافل ہو کے دانستہ خراب بزم ہستی ہوں
سمجھتا ہوں کہ یہ محفل نہیں ہے خواب محفل ہے
وہ آئینہ ہو یا ہو پھول تارہ ہو کہ پیمانہ
کہیں جو کچھ بھی ٹوٹا میں یہی سمجھا مرا دل ہے
نہ چھیڑ اے نغمہ گر تسکین بے ہنگامہ کے نغمے
فضاؤں میں ابھی گنجائش شور سلاسل ہے
اجالا ہو تو ڈھونڈوں دل بھی پروانوں کی لاشوں میں
مری بربادیوں کو انتظار صبح محفل ہے
الٰہی غفلت عالم کو رنگ ہوشیاری دے
کہ تو غافل نہیں دنیا سے دنیا تجھ سے غافل ہے
وہ دل لے کر ہمیں بے دل نہ سمجھیں ان سے کہہ دینا
جو ہیں مارے ہوئے نظروں کے ان کی ہر نظر دل ہے
وہ اے سیمابؔ کیوں سرگشتۂ تسنیم و جنت ہو
میسر جس کو سیر تاج اور جمنا کا ساحل ہے
شاعر: سیماب اکبر آبادی
آواز: امل خان
Wo tanhai ho ya mahfil ho taskeen-e-dil ki mushkil hai
Wo tanhai ho ya mahfil ho taskeen-e-dil ki mushkil hai
Bana leta hai khud apne liye jalwe ye wo dil hai
Hai batil mahfil-e-aalam to phir mushkil hi mushkil hai
Meri nazren bhi batil hain tera jalwa bhi batil hai
Wahan hun main jahan tamiz-e-husn o ishq mushkil hai
Har ek jalwa ab aaghosh-e-nazar mein jalwa-e-dil hai
Kamal-e-ilm o tehqeeq-e-mukammal ka ye hasil hai
Tera idraak mushkil tha tera idraak mushkil hai
Ye veerani tasawwur ki wo rangeeni khayalon ki
Kabhi mahfil mein khalwat hai kabhi khalwat mein mahfil hai
Ghalat samjha jo tu mahdood samjha raah-e-hasti ko
Jahan hoti hai manzil khatm wo aaghaz-e-manzil hai
Junoon ka haath daman se na pahuncha parda-e-dil tak
Abhi baqi wahi pabandi-e-aadaab-e-mahmal hai
Baqadr-e-zarf o himmat sehl o mushkil hai rah-e-ulfat
Yahan sahil bhi darya hai yahan darya bhi sahil hai
Uda kar dhajjiyan pairahan-e-hasti ki khush tha main
Nida aai ye deewane junoon ki pehli manzil hai
Hui maloom wajah-e-iztirab o shoresh-e-aalam
Yahan dil hai har ek zarra har ek zarra mein ik dil hai
Main ghafil ho ke daanista kharab-e-bazm-e-hasti hun
Samajhta hun ke ye mahfil nahin hai khwab-e-mahfil hai
Wo aaina ho ya ho phool tara ho ke paimana
Kahin jo kuch bhi toota main yahi samjha mera dil hai
Na chhed ae naghma-gar taskeen be-hangama ke naghme
Fazaon mein abhi gunjaish-e-shor-e-salasil hai
Ujala ho to dhundhon dil bhi parwanon ki lashon mein
Meri barbadiyon ko intizar-e-subh-e-mahfil hai
Ilahi ghaflat-e-aalam ko rang-e-hoshyaari de
Ke tu ghafil nahin duniya se duniya tujh se ghafil hai
Wo dil le kar hamein be-dil na samjhein un se keh dena
Jo hain mare hue nazron ke un ki har nazar dil hai
Wo ae Seemab, kyoon sargashta-e-tasneem o jannat ho
Muyassar jis ko sair-e-Taj aur Jamna ka sahil hai
مقرر کے بارے میں
Me, Myself
مکمل سوانح دیکھیںدیگر کلام
- ‹ بے وجہ تحفظ کی ضرورت بھی نہیں ہے
- ‹ چلتے رہے تو کون سا اپنا کمال تھا
- ‹ شہر کے دکاں دارو کاروبار الفت میں سود کیا زیاں کیا ہے تم نہ جان پاؤ گے
- ‹ پھرتے ہیں کب سے در بدر اب اس نگر اب اس نگر اک دوسرے کے ہم سفر میں اور مری آوارگی
- ‹ آپ جیسوں کے لیے اس میں رکھا کچھ بھی نہیں
- ‹ میں نے چاہا تو نہیں تھا کہ کبھی ایسا ہو