میرے پرکھوں کی پہلی دعا — آواز: کریسنٹ | شاعر: عشرت آفریں
مقرر / سپیکر
میرے پرکھوں کی پہلی دعا
رات کی کوکھ سے
صبح کی ایک ننھی کرن نے جنم یوں لیا
شب نے ننھی شفق کی گلابی حسیں مٹھیاں کھول کر
کچھ لکیریں پڑھیں
اور صبا سے نہ معلوم چپکے سے کیا کہہ دیا
یوں کہ شبنم کی آنکھوں سے آنسو بہے
اک ستارہ ہنسا
چاندنی مسکراتی ہوئی چل پڑی
اور نقاہت سے پہلو بدلتے ہوئے
چونک کر میری ماں نے بڑے شوق سے
کچھ اشارہ کیا
آہٹوں اور سرگوشیوں میں کسی نے کہا
آہ لڑکی ہے یہ
اتنی افسردہ آواز میرے خدا
میری پہلی سماعت پہ لکھی گئی
میری پہلی ہی سانسوں میں گھولا گیا
ان شکستہ سے لہجوں کا زہریلا پن
آہ لڑکی ہے
لڑکی ہے
لڑکی ہے یہ
اس کی قسمت کی مانگو دعا
اب بھی میری سماعت پہ لکھی ہے وہ
میرے پرکھوں کی پہلی دعا
شاعر: عشرت آفریں
آواز: کریسنٹ
Mere parkhon ki pehli dua
Raat ki kokh se
Subah ki ek nanhi kiran ne janam yun liya
Shab ne nanhi shafaq ki gulaabi haseen mithiyan khol kar
Kuch lakeeren padhin
Aur saba se na maloom chupke se kya keh diya
Yun ke shabnam ki aankhon se aansoo bahe
Ik sitara hansa
Chandni muskurati hui chal padi
Aur naqahat se pehlu badalte hue
Chaunk kar meri maa ne bade shauq se
Kuch ishaara kiya
Aahaton aur sargoshiyon mein kisi ne kaha
Aah ladki hai yeh
Itni afsurda awaaz mere Khuda
Meri pehli sama'at pe likhi gai
Meri pehli hi saanson mein ghola gaya
In shikasta se lehjon ka zaheerila pan
Aah ladki hai
Ladki hai
Ladki hai yeh
Us ki qismat ki maango dua
Ab bhi meri sama'at pe likhi hai woh
Mere parkhon ki pehli dua