میری رفعت پر جو حیراں ہے تو حیرانی نہیں — آواز: کریسنٹ | شاعر: سیماب اکبرآبادی
مقرر / سپیکر
میری رفعت پر جو حیراں ہے تو حیرانی نہیں
میری رفعت پر جو حیراں ہے تو حیرانی نہیں
تو ابھی انسان کی عظمت کا عرفانی نہیں
اور یہ کیا ہے ضبط جو سوز پنہانی نہیں
آگ روشن دل میں ہے چہرے پہ تابانی نہیں
پھول کے پتے بکھر کر اک فسانہ کہہ گئے
جس کی ہو ترتیب ممکن وہ پریشانی نہیں
مجھ پر اک الزام ہے قید قفس وہ بھی غلط
جس کی نیت میں ہو آزادی وہ زندانی نہیں
جوش گریہ اس پر آہوں کی یہ سیلابی ہوا
کون سی ہے موج اشک ایسی جو طوفانی نہیں
راز یہ مجھ پر شکست غنچہ و گل سے کھلا
حسن بھی تو بے نیاز چاک دامانی نہیں
خواہشوں کے ساتھ اپنے نفس کو بھی کر فنا
زندگی میں اس سے بہتر کوئی قربانی نہیں
اتفاقات محبت نے یہ ثابت کر دیا
وہ بھی پیشانی میں ہے شاید جو پیش آنی نہیں
دولت کونین سے بھی ہے گراں تر اک سکوں
دل ہو مستغنی تو پروائے جہاں بانی نہیں
جاودانی ہوں میں اے دنیا پرستش کر مری
یہ مسلم ہے کہ تو فانی ہے میں فانی نہیں
حوصلوں کے ساتھ طے کر راہ دشوار حیات
حل تو ہوں گی مشکلیں لیکن بہ آسانی نہیں
دیکھ اے ساقی قناعت کی طرب افشانیاں
آب کوثر ہے کٹورے میں مرے پانی نہیں
ہے مری نظروں میں انجام بہار گلستاں
اب مرے سر میں ہوائے گل بدامانی نہیں
بہہ چکا ہے خون پانی کی طرح انسان کا
معتدل پھر بھی مزاج عالم فانی نہیں
کر نہ اے کنج لحد زحمت مرے آرام کی
میں مجاہد ہوں مجھے خوئے تن آسانی نہیں
کر رہا ہوں نظم اے سیمابؔ قرآن مجید
اور یہ کیا ہے اگر تائید یزدانی نہیں
شاعر: سیماب اکبرآبادی
آواز: کریسنٹ
Meri rif'at par jo hairan hai to hairani nahin
Meri rif'at par jo hairan hai to hairani nahin
Tu abhi insaan ki azmat ka irfani nahin
Aur ye kya hai zabt jo soz-e-pinhaani nahin
Aag roshan dil mein hai chehre pe taabaani nahin
Phool ke patte bikhar kar ek afsana keh gaye
Jis ki ho tarteeb mumkin wo pareshani nahin
Mujh par ek ilzam hai qaid-e-qafas wo bhi ghalat
Jis ki niyat mein ho aazadi wo zindani nahin
Josh-e-girya is par aahon ki ye sailaabi hui
Kaun si hai mauj-e-ashk aisi jo toofani nahin
Raaz ye mujh par shikast-e-ghuncha-o-gul se khula
Husn bhi to be-niyaz-e-chaak-e-damani nahin
Khwahishon ke saath apne nafs ko bhi kar fana
Zindagi mein is se behtar koi qurbani nahin
Ittefaqaat-e-mohabbat ne ye saabit kar diya
Wo bhi peshani mein hai shayad jo pesh aani nahin
Daulat-e-kaunain se bhi hai garan-tar ek sukoon
Dil ho mustaghni to parwa-e-jahanbaani nahin
Javidaani hoon mein aye duniya parastish kar meri
Ye musallam hai ke tu fani hai mein fani nahin
Hauslon ke saath tai kar raah-e-dushwaar-e-hayaat
Hal to hon gi mushkilein lekin ba-aasani nahin
Dekh aye Saaqi qana'at ki tarab afshaniyan
Aab-e-kauthar hai katore mein mere pani nahin
Hai meri nazron mein anjaam-e-bahaar-e-gulistaan
Ab mere sar mein hawa-e-gul badamaani nahin
Bah chuka hai khoon pani ki tarah insaan ka
Mo'tadil phir bhi mizaj-e-alam-e-fani nahin
Kar na aye kunj-e-lähad zehmat mere aaram ki
Mein mujahid hoon mujhe khuy-e-tan aasaani nahin
Kar raha hoon nazm aye Seemab Quran-e-majeed
Aur ye kya hai agar ta'eed-e-yazdaani nahin