کبھی اول نظر آنا کبھی آخر ہونا — آواز: افتخار احمد | شاعر: ظفراقبال
مقرر / سپیکر
کبھی اول نظر آنا کبھی آخر ہونا
کبھی اول نظر آنا کبھی آخر ہونا
اور وقفوں سے مرا غائب و حاضر ہونا
میں کسی اور زمانے کے لیے ہوں شاید
اس زمانے میں ہے مشکل مرا ظاہر ہونا
میں نہ ہونے پہ ہی خوش تھا مگر ایسے ہوا پھر
مجھ کو ناچار پڑا آپ کی خاطر ہونا
دور ہو جاؤں بھی اس باغ بدن سے لیکن
کہیں ممکن ہی نہیں ایسے مناظر ہونا
واقعی تم کو دکھائی ہی نہیں دیتا ہوں
یا ضرورت ہے تمہاری مرا منکر ہونا
راستہ آپ بنانا ہی کوئی سہل نہیں
پھر اسی راستے کا آپ مسافر ہونا
وہ مقامات مقدس وہ ترے گنبد و قوس
اور مرا ایسے نشانات کا زائر ہونا
بادلوں اور ہواؤں میں اڑا پھرتا میں
کاش ہوتا مری تقدیر میں طائر ہونا
کام نکلا ہے کچھ اتنا ہی یہ پیچیدہ ظفرؔ
جتنا آساں نظر آیا مجھے شاعر ہونا
شاعر: ظفراقبال
آواز: افتخار احمد
Kabhi awwal nazar aana kabhi akhir hona
Kabhi awwal nazar aana kabhi akhir hona
Aur waqfon se mira ghayab o hazir hona
Main kisi aur zamane ke liye huun shayad
Is zamane mein hai mushkil mira zahir hona
Main na hone pe hi khush tha magar aise hua phir
Mujh ko na-chaar pada aap ki khatir hona
Dur ho jaaun bhi is bagh-e-badan se lekin
Kahin mumkin hi nahin aise manazir hona
Waqai tum ko dikhai hi nahin deta huun
Ya zarurat hai tumhari mira munkir hona
Rasta aap banana hi koi sehl nahin
Phir isi raste ka aap musafir hona
Wo maqamaat-e-muqaddas wo tere gumbad o qaus
Aur mira aise nishanaat ka zair hona
Badalon aur hawaaon mein uda phirta main
Kaash hota meri taqdeer mein taair hona
Kaam nikla hai kuch itna hi ye pechida Zafar
Jitna aasan nazar aaya mujhe shair hona
مقرر کے بارے میں
صحافی، اسٹیبلشمنٹ کا ناقد، باقاعدگی سے ٹیکس دہندہ اور بائیں بازو سے وابستہ سیاسی کارکن۔ فطرت سے گہرا شغف رکھتا ہوں ۔ اپنے خیالات خود قلم بند کرتا ہوں، ری ٹویٹس کو تائید یا حمایت نہ سمجھا جائے۔
مکمل سوانح دیکھیں