مزدوروں کا گیت — آواز: ملک | شاعر: اسرار الحق مجاز
مقرر / سپیکر
مزدوروں کا گیت
محنت سے یہ مانا چور ہیں ہم
آرام سے کوسوں دور ہیں ہم
پر لڑنے پر مجبور ہیں ہم
مزدور ہیں ہم مزدور ہیں ہم
گو آفت و غم کے مارے ہیں
ہم خاک نہیں ہیں تارے ہیں
اس جگ کے راج دلارے ہیں
مزدور ہیں ہم مزدور ہیں ہم
بننے کی تمنا رکھتے ہیں
مٹنے کا کلیجہ رکھتے ہیں
سرکش ہیں سر اونچا رکھتے ہیں
مزدور ہیں ہم مزدور ہیں ہم
ہر چند کہ ہیں ادبار میں ہم
کہتے ہیں کھلے بازار میں ہم
ہیں سب سے بڑے سنسار میں ہم
مزدور میں ہم مزدور ہیں ہم
جس سمت بڑھا دیتے ہیں قدم
جھک جاتے ہیں شاہوں کے پرچم
ساونت ہیں ہم بلونت ہیں ہم
مزدور ہیں ہم مزدور ہیں ہم
گو جان پہ لاکھوں بار بنی
کر گزرے مگر جو جی میں ٹھنی
ہم دل کے کھرے باتوں کے دھنی
مزدور ہیں ہم مزدور ہیں ہم
ہم کیا ہیں کبھی دکھلا دیں گے
ہم نظم کہن کو ڈھا دیں گے
ہم ارض و سما کو ہلا دیں گے
مزدور ہیں ہم مزدور ہیں ہم
ہم جسم میں طاقت رکھتے ہیں
سینوں میں حرارت رکھتے ہیں
ہم عزم بغاوت رکھتے ہیں
مزدور ہیں ہم مزدور ہیں ہم
جس روز بغاوت کر دیں گے
دنیا میں قیامت کر دیں گے
خوابوں کو حقیقت کر دیں گے
مزدور ہیں ہم مزدور ہیں ہم
ہم قبضہ کریں گے دفتر پر
ہم وار کریں گے قیصر پر
ہم ٹوٹ پڑیں گے لشکر پر
مزدور ہیں ہم مزدور ہیں ہم
شاعر: اسرار الحق مجاز
آواز: ملک
Mazdooron ka Geet
Mehnat se yeh maana chor hain hum
Aaraam se koson dur hain hum
Par ladne par majboor hain hum
Mazdoor hain hum mazdoor hain hum
Go aafat o gham ke maare hain
Hum khaak nahin hain taare hain
Is jag ke raaj dulaare hain
Mazdoor hain hum mazdoor hain hum
Banne ki tamanna rakhte hain
Mitne ka kaleja rakhte hain
Sarkash hain sar ooncha rakhte hain
Mazdoor hain hum mazdoor hain hum
Har chand ke hain adbaar mein hum
Kehte hain khule bazaar mein hum
Hain sab se bade sansaar mein hum
Mazdoor hain hum mazdoor hain hum
Jis simt badha dete hain qadam
Jhuk jaate hain shahon ke parcham
Saawant hain hum balwant hain hum
Mazdoor hain hum mazdoor hain hum
Go jaan pe lakhon baar bani
Kar guzre magar jo jee mein thani
Hum dil ke khare baaton ke dhani
Mazdoor hain hum mazdoor hain hum
Hum kya hain kabhi dikhla dein ge
Hum nazm-e-kuhan ko dha dein ge
Hum arz-o-sama ko hila dein ge
Mazdoor hain hum mazdoor hain hum
Hum jism mein taqat rakhte hain
SeenoN mein haraarat rakhte hain
Hum azm-e-baghaawat rakhte hain
Mazdoor hain hum mazdoor hain hum
Jis roz baghaawat kar dein ge
Duniya mein qayamat kar dein ge
Khwabon ko haqeeqat kar dein ge
Mazdoor hain hum mazdoor hain hum
Hum qabza kareinge daftar par
Hum waar kareinge qaisar par
Hum toot padeinge lashkar par
Mazdoor hain hum mazdoor hain hum