موجب رنگ چمن خون شہیداں نکلا — آواز: ملک | شاعر: باصر سلطان کاظمی
مقرر / سپیکر
موجب رنگ چمن خون شہیداں نکلا
موجب رنگ چمن خون شہیداں نکلا
موت کی جیب سے بھی زیست کا ساماں نکلا
ٹھوکریں کھائی ہیں اتنی کہ اب اپنے دل سے
شوق آوارگیٔ دشت و بیاباں نکلا
ہم بہت خوش تھے کہ جاگ اٹھی ہے اپنی قسمت
آنے والا کسی ہمسائے کا مہماں نکلا
ہے عجب بات کہ جس رستے پہ ہم چل نکلے
گھوم پھر کر وہ سر کوچۂ جاناں نکلا
بے حسی نے جو کبھی فرصت غم دی ہم کو
ایک سیلاب نہفتہ تہ مژگاں نکلا
چارہ گر خطرۂ جاں کہتے تھے جس کو باصرؔ
وہی غم باعث آرام رگ جاں نکلا
شاعر: باصر سلطان کاظمی
آواز: ملک
Moujib-e-rang-e-chaman khoon-e-shaheedaan nikla
Moujib-e-rang-e-chaman khoon-e-shaheedaan nikla
Maut ki jeb se bhi zeest ka samaan nikla
Thokarein khaayi hain itni ke ab apne dil se
Shauq-e-awaragi-e-dasht-o-biyaban nikla
Hum bahut khush the ke jaag uthi hai apni qismat
Aane wala kisi hamsaye ka mehmaan nikla
Hai ajab baat ke jis raste pe hum chal nikle
Ghoom phir kar woh sar-e-koocha-e-jaanaan nikla
Be-hissi ne jo kabhi fursat-e-gham di hum ko
Ek sailaab-e-nahufta teh-e-mizhgaan nikla
Charah-gar khatra-e-jaan kehte the jis ko Basir
Wahi gham baais-e-aram-e-rag-e-jaan nikla