چمن میں شب کو جو وہ شوخ بے نقاب آیا — آواز: ایم سعید | شاعر: حیدر علی آتش
مقرر / سپیکر
چمن میں شب کو جو وہ شوخ بے نقاب آیا
چمن میں شب کو جو وہ شوخ بے نقاب آیا
یقین ہو گیا شبنم کو آفتاب آیا
ان انکھڑیوں میں اگر نشۂ شراب آیا
سلام جھک کے کروں گا جو پھر حجاب آیا
کسی کے محرم آب رواں کی یاد آئی
حباب کے جو برابر کبھی حباب آیا
شب فراق میں مجھ کو سلانے آیا تھا
جگایا میں نے جو افسانہ گو کو خواب آیا
عدم میں ہستی سے جا کر یہی کہوں گا میں
ہزار حسرت زندہ کو گاڑ داب آیا
چکور حسن مہ چار دہ کو بھول گیا
مراد پر جو ترا عالم شباب آیا
محبت مے و معشوق ترک کر آتشؔ
سفید بال ہوئے موسم خضاب آیا
شاعر: حیدر علی آتش
آواز: ایم سعید
Chaman mein shab ko jo woh shokh be-naqaab aaya
Chaman mein shab ko jo woh shokh be-naqaab aaya
Yaqin ho gaya shabnam ko aaftab aaya
In ankhdiyon mein agar nasha-e-sharab aaya
Salam jhuk ke karoon ga jo phir hijaab aaya
Kisi ke mehram aab-e-rawan ki yaad aai
Hubaab ke jo barabar kabhi hubaab aaya
Shab-e-firaq mein mujh ko sulane aaya tha
Jagaya main ne jo afsana-go ko khwab aaya
Adam mein hasti se ja kar yahi kahoon ga main
Hazar hasrat-e-zinda ko gaad daab aaya
Chakoor-e-husn-e-mah-e-chahar-dah ko bhool gaya
Murad par jo tera alam-e-shabab aaya
Mohabbat-e-may-o-mashooq tark kar Atish!
Safed baal hue mausam-e-khizab aaya
مقرر کے بارے میں
Samvidhan Rakshak, historian, economist, Nationalist and Philonthropist. An active Social worker and Educationalist.
مکمل سوانح دیکھیں