ایک تضاد — آواز: ایم سعید | شاعر: میراجی
مقرر / سپیکر
ایک تضاد
کوہ سے زریں اذیت کے گزر جانے کے بعد
سرخ نغمہ شام کا اک پل میں مر جانے کے بعد
ہاں پس از فریاد و قلب دہر کی لرزش کے بعد
دن کی تم آلود زرد و لالہ گوں کاوش کے بعد
تیرگی کے داغ دل سے کس طرح دھوؤں گا میں
جاگتے ہی جاگتے پھر صبح تک روؤں گا میں
ہاں وہی میں دن کو جس کی آنکھ تھی اور آفتاب
ہاں وہی میں جس نے دیکھا دہر لبریز حیات
ذہن انسانی مرا کہتا ہے کھا کر پیچ و تاب
دیکھ لے حسن مناظر کو نہیں حاصل ثبات
قلب میخانے کی ہا و ہو کا عادی ہے مرا
کچھ تعلق ہی نہیں مجھ کو سکون سنگ سے
مجھ کو خوش آتی نہیں ہے امن کی شب گوں فضا
روح کو تسکیں ملے گی ایک پیہم جنگ سے
شاعر: میراجی
آواز: ایم سعید
Ek Tazaad
Koh se zarreen aziyat ke guzar jaane ke baad
Surkh naghma shaam ka ik pal mein mar jaane ke baad
Haan pas az faryaad-o-qalb-e-dahar ki larzish ke baad
Din ki tum aalood zard-o-lala-goon kawish ke baad
Teergi ke daagh dil se kis tarah dho'unga main
Jaagte hi jaagte phir subah tak ro'unga main
Haan wahi main din ko jis ki aankh thi aur aaftab
Haan wahi main jis ne dekha dehar labrez-e-hayat
Zehn insani mera kehta hai kha kar pech-o-taab
Dekh le husn-e-manazar ko nahin hasil subaat
Qalb-e-maikhane ki haa-o-hoo ka aadi hai mera
Kuch ta'alluq hi nahin mujh ko sukoon-e-sang se
Mujh ko khush aati nahin hai amn ki shab-goon fiza
Rooh ko taskeen milegi ek paiham jang se
مقرر کے بارے میں
Samvidhan Rakshak, historian, economist, Nationalist and Philonthropist. An active Social worker and Educationalist.
مکمل سوانح دیکھیں