ہم کہ مغلوب گماں تھے پہلے

ہم کہ مغلوب گماں تھے پہلے
پھر وہیں ہیں کہ جہاں تھے پہلے
خواہشیں جھریاں بن کر ابھریں
زخم سینے میں نہاں تھے پہلے
اب تو ہر بات پہ رو دیتے ہیں
واقف سود و زیاں تھے پہلے
دل سے جیسے کوئی کانٹا نکلا
اشک آنکھوں سے رواں تھے پہلے
اب فقط انجمن آرائی ہے
اعتبار دل و جاں تھے پہلے
دوش پہ سر ہے کہ ہے برف جمی
ہم کہ شعلوں کی زباں تھے پہلے
اب تو ہر تازہ ستم ہے تسلیم
حادثے دل پہ گراں تھے پہلے
میری ہم زاد ہے تنہائی مری
ایسے رشتے بھی کہاں تھے پہلے

شاعر: کشور ناہید

آواز: ایم سعید

Hum ke maghloob-e-guman the pehle

Hum ke maghloob-e-guman the pehle
Phir wahin hain ke jahan the pehle
Khwahishein jhurriyan ban kar ubhrein
Zakhm seene mein nihan the pehle
Ab to har baat pe ro dete hain
Waqif-e-sood-o-ziyan the pehle
Dil se jaise koi kanta nikla
Ashk aankhon se rawan the pehle
Ab faqat anjuman-aarai hai
E'tibar-e-dil-o-jaan the pehle
Dosh pe sar hai ke hai barf jami
Hum ke sholon ki zaban the pehle
Ab to har taza sitam hai tasleem
Haadse dil pe garan the pehle
Meri hamzad hai tanhai meri
Aise rishte bhi kahan the pehle

مقرر کے بارے میں

Samvidhan Rakshak, historian, economist, Nationalist and Philonthropist. An active Social worker and Educationalist.

مکمل سوانح دیکھیں

ہم کہ مغلوب گماں تھے پہلے — آواز: ایم سعید | شاعر: کشور ناہید

مقرر / سپیکر