میں نے پائی نہیں جینے کی سزا کون سے دن — آواز: ایم سعید | شاعر: ساحر بھوپالی
مقرر / سپیکر
میں نے پائی نہیں جینے کی سزا کون سے دن
میں نے پائی نہیں جینے کی سزا کون سے دن
مجھ کو آیا نہیں مرنے کا مزا کون سے دن
راس آئی مجھے فرقت کی ہوا کون سے دن
میں نے مانگی نہیں مرنے کی دعا کون سے دن
کب ہری ہوگی تمناؤں کی کھیتی یا رب
چھائے گی جھوم کے رحمت کی گھٹا کون سے دن
ہے یہی وقت کرم کا کہ ہوں خود سے بیزار
کام آئے گی تری شان عطا کون سے دن
کس لئے توڑ دیا آسرا تم نے دل کا
میں نے چاہا تھا وفاؤں کا صلہ کون سے دن
آئیں گے جب مرے پہلو میں وہ شرمائے ہوئے
وہ گھڑی آئے گی اے میرے خدا کون سے دن
میں تو تیار ہوں مٹنے کو تم آواز تو دو
آزماؤ گے تم اب میری وفا کون سے دن
مجھ کو کھچوائے گی کب دار پہ وحشت ساحرؔ
پاؤں گا اپنی محبت کا صلہ کون سے دن
شاعر: ساحر بھوپالی
آواز: ایم سعید
Main ne paayi nahin jeene ki saza kaun se din
Main ne paayi nahin jeene ki saza kaun se din
Mujh ko aaya nahin marne ka maza kaun se din
Raas aayi mujhe furqat ki hawa kaun se din
Main ne maangi nahin marne ki dua kaun se din
Kab hari hogi tamannaon ki kheti ya Rabb
Chhaayegi jhoom ke rehmat ki ghata kaun se din
Hai yehi waqt karam ka ke hoon khud se bezaar
Kaam aayegi teri shan-e-ata kaun se din
Kis liye tod diya aasra tum ne dil ka
Main ne chaha tha wafaon ka sila kaun se din
Aayenge jab mere pehlu mein woh sharmaye hue
Woh ghadi aayegi aye mere Khuda kaun se din
Main to tayyar hoon mitne ko tum awaz to do
Aazmaoge tum ab meri wafa kaun se din
Mujh ko khichwaayegi kab daar pe wahshat Sahir
Paunga apni mohabbat ka sila kaun se din
مقرر کے بارے میں
Samvidhan Rakshak, historian, economist, Nationalist and Philonthropist. An active Social worker and Educationalist.
مکمل سوانح دیکھیں