اس گل سے کچھ حجاب ہمیں درمیاں نہ تھا — آواز: ایم سعید | شاعر: انعام اللہ خاں یقین
مقرر / سپیکر
اس گل سے کچھ حجاب ہمیں درمیاں نہ تھا
اس گل سے کچھ حجاب ہمیں درمیاں نہ تھا
جس دن کہ یہ بہار نہ تھی گلستاں نہ تھا
دام و قفس سے چھوٹ کے پہنچے جو باغ تک
دیکھا تو اس زمیں میں چمن کا نشاں نہ تھا
یہ قمریاں جو سرو کی عاشق ہوئیں مگر
دنیا میں اور کوئی سجیلا جواں نہ تھا
کیوں کر ملی ہو گل سے جو آتی ہو خوش دماغ
اے بلبلوں چمن میں مگر باغباں نہ تھا
لاچار لے دل اپنا گیا گور میں یقیںؔ
اس جنس کا جہاں میں کوئی قدرداں نہ تھا
شاعر: انعام اللہ خاں یقین
آواز: ایم سعید
Us gul se kuch hijab hamein darmiyan na tha
Us gul se kuch hijab hamein darmiyan na tha
Jis din ki ye bahar na thi gulistañ na tha
Daam-o-qafas se chhoot ke pahuñche jo baagh tak
Dekha to is zameen mein chaman ka nishañ na tha
Ye qumriyañ jo sarv ki aashiq huiñ magar
Duniya mein aur koi sajeela jawañ na tha
Kyoñ kar mili ho gul se jo aati ho khush-dimagh
Ae bulbuloñ chaman mein magar baagbaan na tha
Laachar le dil apna gaya gor mein Yaqeen!
Is jins ka jahañ mein koi qadardañ na tha
مقرر کے بارے میں
Samvidhan Rakshak, historian, economist, Nationalist and Philonthropist. An active Social worker and Educationalist.
مکمل سوانح دیکھیں