ظلمت کو ضیا صرصر کو صبا بندے کو خدا کیا لکھنا — آواز: ایم سعید | شاعر: حبیب جالب
مقرر / سپیکر
ظلمت کو ضیا صرصر کو صبا بندے کو خدا کیا لکھنا
ظلمت کو ضیا صرصر کو صبا بندے کو خدا کیا لکھنا
پتھر کو گہر دیوار کو در کرگس کو ہما کیا لکھنا
اک حشر بپا ہے گھر میں دم گھٹتا ہے گنبد بے در میں
اک شخص کے ہاتھوں مدت سے رسوا ہے وطن دنیا بھر میں
اے دیدہ ورو اس ذلت کو قسمت کا لکھا کیا لکھنا
ظلمت کو ضیا صرصر کو صبا بندے کو خدا کیا لکھنا
یہ اہل حشم یہ دارا و جم سب نقش بر آب ہیں اے ہم دم
مٹ جائیں گے سب پروردۂ شب اے اہل وفا رہ جائیں گے ہم
ہو جاں کا زیاں پر قاتل کو معصوم ادا کیا لکھنا
ظلمت کو ضیا صرصر کو صبا بندے کو خدا کیا لکھنا
لوگوں پہ ہی ہم نے جاں واری کی ہم نے ہی انہی کی غم خواری
ہوتے ہیں تو ہوں یہ ہاتھ قلم شاعر نہ بنیں گے درباری
ابلیس نما انسانوں کی اے دوست ثنا کیا لکھنا
ظلمت کو ضیا صرصر کو صبا بندے کو خدا کیا لکھنا
حق بات پہ کوڑے اور زنداں باطل کے شکنجے میں ہے یہ جاں
انساں ہیں کہ سہمے بیٹھے ہیں خونخوار درندے ہیں رقصاں
اس ظلم و ستم کو لطف و کرم اس دکھ کو دوا کیا لکھنا
ظلمت کو ضیا صرصر کو صبا بندے کو خدا کیا لکھنا
ہر شام یہاں شام ویراں آسیب زدہ رستے گلیاں
جس شہر کی دھن میں نکلے تھے وہ شہر دل برباد کہاں
صحرا کو چمن بن کر گلشن بادل کو ردا کیا لکھنا
ظلمت کو ضیا صرصر کو صبا بندے کو خدا کیا لکھنا
اے میرے وطن کے فن کارو ظلمت پہ نہ اپنا فن وارو
یہ محل سراؤں کے باسی قاتل ہیں سبھی اپنے یارو
ورثے میں ہمیں یہ غم ہے ملا اس غم کو نیا کیا لکھنا
ظلمت کو ضیا صرصر کو صبا بندے کو خدا کیا لکھنا
شاعر: حبیب جالب
آواز: ایم سعید
Zulmat Ko Ziya Sarsar Ko Saba Bande Ko Khuda Kya Likhna
Zulmat ko ziya sarsar ko saba bande ko Khuda kya likhna
Patthar ko gohar deewar ko dar kargas ko Huma kya likhna
Ik hashr bapa hai ghar mein dam ghutta hai gumbad be-dar mein
Ik shakhs ke haathon muddat se ruswa hai watan dunya bhar mein
Ae deedawaroo is zillat ko qismat ka likha kya likhna
Zulmat ko ziya sarsar ko saba bande ko Khuda kya likhna
Yeh ahle hasham yeh Dara-o-Jam sab naqsh bar aab hain ae hum-dam
Mit jaayenge sab parwarda-e-shab ae ahle wafa reh jaayenge hum
Ho jaan ka ziyaan par qatil ko masoom ada kya likhna
Zulmat ko ziya sarsar ko saba bande ko Khuda kya likhna
Logon pe hi hum ne jaan waari ki hum ne hi unhin ki gham-khwari
Hote hain to hon yeh haath qalam shair na banenge darbari
Iblees numa insaanon ki ae dost sana kya likhna
Zulmat ko ziya sarsar ko saba bande ko Khuda kya likhna
Haq baat pe kaude aur zindaan baatil ke shikanje mein hai yeh jaan
Insaan hain ke sehme baithe hain khoonkhaar darinde hain raqsaan
Is zulm-o-sitam ko lutf-o-karam is dukh ko dawa kya likhna
Zulmat ko ziya sarsar ko saba bande ko Khuda kya likhna
Har shaam yahaan shaam veeraan aaseeb zada raste galiyaan
Jis shehar ki dhun mein nikle the woh shehar dil barbaad kahaan
Sehra ko chaman ban kar gulshan baadal ko rida kya likhna
Zulmat ko ziya sarsar ko saba bande ko Khuda kya likhna
Ae mere watan ke fan-karo zulmat pe na apna fan waaro
Yeh mahal saraon ke baasi qatil hain sabhi apne yaaro
Virse mein hamein yeh gham hai mila is gham ko naya kya likhna
Zulmat ko ziya sarsar ko saba bande ko Khuda kya likhna
مقرر کے بارے میں
Samvidhan Rakshak, historian, economist, Nationalist and Philonthropist. An active Social worker and Educationalist.
مکمل سوانح دیکھیں