اس نئے غم سے کنارہ بھی تو ہو سکتا ہے — آواز: راجا اکرام قمر | شاعر: اردو شعرا

اس نئے غم سے کنارہ بھی تو ہو سکتا ہے

اس نئے غم سے کنارہ بھی تو ہو سکتا ہے
عشق پھر ہم کو دوبارہ بھی تو ہو سکتا ہے
آپ اندازہ لگاتے رہیں بس جگنو کا
مری مٹھی میں ستارہ بھی تو ہو سکتا ہے
کیا ضروری ہے کہ یہ جان لٹا دی جائے
اس کی یادوں پہ گزارا بھی تو ہو سکتا ہے
دل کی بستی سے سر شام جو اٹھا ہے دھواں
اچھے موسم کا اشارہ بھی تو ہو سکتا ہے
آپ کو ہم سے محبت بھی تو ہو سکتی ہے
اور محبت میں خسارہ بھی تو سکتا ہے
یہ جو پھیلا ہے فلک تک شب ہجراں کا غبار
مری وحشت کا نظارہ بھی تو ہو سکتا ہے
ناظر وحید

شاعر: اردو شعرا

آواز: راجا اکرام قمر