وہ چپ ہو گئے مجھ سے کیا کہتے کہتے — آواز: راجا اکرام قمر | شاعر: حسرت موہانی
مقرر / سپیکر
وہ چپ ہو گئے مجھ سے کیا کہتے کہتے
وہ چپ ہو گئے مجھ سے کیا کہتے کہتے
کہ دل رہ گیا مدعا کہتے کہتے
مرا عشق بھی خود غرض ہو چلا ہے
ترے حسن کو بے وفا کہتے کہتے
شب غم کس آرام سے سو گئے ہیں
فسانہ تری یاد کا کہتے کہتے
یہ کیا پڑ گئی خوئے دشنام تم کو
مجھے ناسزا برملا کہتے کہتے
خبر ان کو اب تک نہیں مر مٹے ہم
دل زار کا ماجرا کہتے کہتے
عجب کیا جو ہے بدگماں سب سے واعظ
برا سنتے سنتے برا کہتے کہتے
وہ آئے مگر آئے کس وقت حسرتؔ
کہ ہم چل بسے مرحبا کہتے کہتے
شاعر: حسرت موہانی
آواز: راجا اکرام قمر
Woh chup ho gaye mujh se kya kehte kehte
Woh chup ho gaye mujh se kya kehte kehte
Ke dil reh gaya muddaa kehte kehte
Mera ishq bhi khud-garaz ho chala hai
Tere husn ko bewafa kehte kehte
Shab-e-gham kis aaram se so gaye hain
Fasana teri yaad ka kehte kehte
Yeh kya pad gayi khoo-e-dushnam tum ko
Mujhe nasaza barmala kehte kehte
Khabar un ko ab tak nahin mar mite hum
Dil-e-zaar ka maajra kehte kehte
Ajab kya jo hai bad-gumaan sab se wa'iz
Bura sunte sunte bura kehte kehte
Woh aaye magar aaye kis waqt Hasrat
Ke hum chal basein marhaba kehte kehte
مقرر کے بارے میں
Property Management, Poetry is my passion, Humble human, Love to be in the 12th Century
مکمل سوانح دیکھیں