تجھ کو پاسِ وفا ذرا نہ ہوا — آواز: سحر | شاعر: حسرت موہانی
مقرر / سپیکر
تجھ کو پاسِ وفا ذرا نہ ہوا
تجھ کو پاسِ وفا ذرا نہ ہوا
ہم سے پھر بھی ترا گلہ نہ ہوا
ایسے بگڑے کہ پھر جفا بھی نہ کی
دشمنی کا بھی حق ادا نہ ہوا
کٹ گئی احتیاطِ عشق میں عمر
ہم سے اظہار مدعا نہ ہوا
مر مٹے ہم تو مٹ گئے سب رنج
یہ بھی اچھا ہوا برا نہ ہوا
تم جفا کار تھے کرم نہ کیا
میں وفادار تھا خفا نہ ہوا
ہجر میں جان مضطرب کو سکوں
آپ کی یاد کے سوا نہ ہوا
رہ گئی تیرے قصرِ عشق کی شرم
میں جو محتاج اغنیا نہ ہوا
شاعر: حسرت موہانی
آواز: سحر
Tujh ko paas-e-wafa zara na hua
Tujh ko paas-e-wafa zara na hua
Ham se phir bhi tera gila na hua
Aise bigde ke phir jafa bhi na ki
Dushmani ka bhi haq ada na hua
Cut gayi ehtiyat-e-ishq mein umr
Ham se izhaar-e-muddaa na hua
Mar mite ham to mit gaye sab ranj
Yah bhi achha hua bura na hua
Tum jafakar the karam na kiya
Main wafadar tha khafa na hua
Hijr mein jaan-e-muztarib ko sukoon
Aap ki yaad ke siwa na hua
Reh gayi tere qasr-e-ishq ki sharm
Main jo mohtaaj-e-aghniya na hua
مقرر کے بارے میں
زندگی کبھی رقص کیا کرتی تھی مجھ میں اب تو جیسے چپ چاپ پڑی ھے
مکمل سوانح دیکھیں