زندہ بھی خلق میں ہوں مرا بھی ہوا ہوں میں — آواز: سحر | شاعر: ظفراقبال
مقرر / سپیکر
زندہ بھی خلق میں ہوں مرا بھی ہوا ہوں میں
زندہ بھی خلق میں ہوں مرا بھی ہوا ہوں میں
ہوں مختلف بھی اس میں پھنسا بھی ہوا ہوں میں
جو اہل شہر کو کسی صورت نہیں ہے راس
ایسی یہاں پہ آب و ہوا بھی ہوا ہوں میں
آزردہ کیوں ہیں اب مرے شیون پہ اہل باغ
کچھ دن یہاں پہ نغمہ سرا بھی ہوا ہوں میں
ان بارشوں کی مجھ کو تمنا بھی تھی بہت
دیوار سے ذرا سا مٹا بھی ہوا ہوں میں
رہتا ہوں دور اس کے دل نرم سے مگر
پتھر کی طرح اس میں جڑا بھی ہوا ہوں میں
زندہ ہوں پھر بھی ایک امید بہار پر
پتا ہوں اور شجر سے جھڑا بھی ہوا ہوں میں
رہتا نہیں ہوں بوجھ کسی پر زیادہ دیر
کچھ قرض تھا اگر تو ادا بھی ہوا ہوں میں
رکھنے لگے ہیں کچھ نظر انداز بھی یہ لوگ
منظر سے اپنے آپ ہٹا بھی ہوا ہوں میں
اک دور کے سفر پہ روانہ بھی ہوں ظفرؔ
سست الوجود گھر میں پڑا بھی ہوا ہوں میں
شاعر: ظفراقبال
آواز: سحر
Zinda bhi khalq mein hoon mara bhi hua hoon main
Zinda bhi khalq mein hoon mara bhi hua hoon main
Hoon mukhtalif bhi is mein phansa bhi hua hoon main
Jo ahl-e-shehr ko kisi surat nahin hai raas
Aisi yahan pe aab-o-hawa bhi hua hoon main
Aazurda kyun hain ab mere shaiwan pe ahl-e-bagh
Kuch din yahan pe naghma-sara bhi hua hoon main
In baarishon ki mujh ko tamanna bhi thi bohat
Deewar se zara sa miTa bhi hua hoon main
Rehta hoon door us ke dil-e-narm se magar
Patthar ki tarah is mein jaRa bhi hua hoon main
Zinda hoon phir bhi ek umeed-e-bahaar par
Pata hoon aur shajar se jhaRa bhi hua hoon main
Rehta nahin hoon bojh kisi par ziyada der
Kuch qarz tha agar toh ada bhi hua hoon main
Rakhne lage hain kuch nazar andaaz bhi yeh log
Manzar se apne aap haTa bhi hua hoon main
Ek door ke safar pe rawana bhi hoon Zafar!
Sust-ul-wujood ghar mein paRa bhi hua hoon main
مقرر کے بارے میں
زندگی کبھی رقص کیا کرتی تھی مجھ میں اب تو جیسے چپ چاپ پڑی ھے
مکمل سوانح دیکھیں