دستور — آواز: سجاد رضا | شاعر: حبیب جالب
مقرر / سپیکر
دستور
دیپ جس کا محلات ہی میں جلے
چند لوگوں کی خوشیوں کو لے کر چلے
وہ جو سائے میں ہر مصلحت کے پلے
ایسے دستور کو صبح بے نور کو
میں نہیں مانتا میں نہیں جانتا
میں بھی خائف نہیں تختۂ دار سے
میں بھی منصور ہوں کہہ دو اغیار سے
کیوں ڈراتے ہو زنداں کی دیوار سے
ظلم کی بات کو جہل کی رات کو
میں نہیں مانتا میں نہیں جانتا
پھول شاخوں پہ کھلنے لگے تم کہو
جام رندوں کو ملنے لگے تم کہو
چاک سینوں کے سلنے لگے تم کہو
اس کھلے جھوٹ کو ذہن کی لوٹ کو
میں نہیں مانتا میں نہیں جانتا
تم نے لوٹا ہے صدیوں ہمارا سکوں
اب نہ ہم پر چلے گا تمہارا فسوں
چارہ گر دردمندوں کے بنتے ہو کیوں
تم نہیں چارہ گر کوئی مانے مگر
میں نہیں مانتا میں نہیں جانتا
شاعر: حبیب جالب
آواز: سجاد رضا
Dastoor
Deep jis ka mahallaat hi mein jale
Chand logon ki khushiyon ko le kar chale
Woh jo saaye mein har maslahat ke palle
Aise dastoor ko subah be-noor ko
Main nahin maanta main nahin jaanta
Main bhi khaif nahin takhta daar se
Main bhi Mansoor hoon keh do aghyaar se
Kyun darate ho zindaan ki deewar se
Zulm ki baat ko jehl ki raat ko
Main nahin maanta main nahin jaanta
Phool shaakhon pe khulne lage tum kaho
Jaam rindon ko milne lage tum kaho
Chaak seenon ke silne lage tum kaho
Is khule jhoot ko zehen ki loot ko
Main nahin maanta main nahin jaanta
Tum ne loota hai sadiyon hamara sukoon
Ab na hum par chalega tumhara fasoon
Chara-gar dardmanddon ke bante ho kyun
Tum nahin chara-gar koi maane magar
Main nahin maanta main nahin jaanta
مقرر کے بارے میں
احساس زندہ ھے تو انسان زندہ ھے اور احساس کو زبان دینا،الفاظ دیناعطا ھے۔۔۔۔ ظُلمت کے اس جنگل میں ھم زندہ ھیں مظلوموں سے کہہ دو ھم شرمندہ ھیں (سجادرضا)
مکمل سوانح دیکھیں