ہم تجھ سے کس ہوس کی فلک جستجو کریں — آواز: سجاد رضا | شاعر: خواجہ میر درد
مقرر / سپیکر
ہم تجھ سے کس ہوس کی فلک جستجو کریں
ہم تجھ سے کس ہوس کی فلک جستجو کریں
دل ہی نہیں رہا ہے کہ کچھ آرزو کریں
مٹ جائیں ایک آن میں کثرت نمائیاں
ہم آئینے کے سامنے جب آ کے ہو کریں
تر دامنی پہ شیخ ہماری نہ جائیو!
دامن نچوڑ دیں تو فرشتے وضو کریں
سر تا قدم زبان ہیں جوں شمع گو کہ ہم
پر یہ کہاں مجال جو کچھ گفتگو کریں
ہر چند آئینہ ہوں پر اتنا ہوں ناقبول
منھ پھیر لے وہ جس کے مجھے روبرو کریں
نہ گُل کو ہے ثبات نہ ہم کو ہے اعتبار
کس بات پر چمن ہوسِ رنگ و بو کریں
ہے اپنی یہ صلاح کہ سب زاہدانِ شہر
اے درد! آ کے بیعتِ دستِ سبو کریں
شاعر: خواجہ میر درد
آواز: سجاد رضا
Ham tujh se kis hawas ki falak justujoo karein
Ham tujh se kis hawas ki falak justujoo karein
Dil hi nahin raha hai ke kuch aarzoo karein
Mit jaaein ek aan mein kasrat numayaan
Ham aainay ke saamne jab aa ke hoo karein
Tar-damani pe shaikh hamari na jaaiyo!
Daman nichod dein to farishtay wazu karein
Sar ta qadam zuban hain joon shama go ke ham
Par yeh kahaan majaal jo kuch guftugoo karein
Har chand aaina hoon par itna hoon naqabil
Munh pher le woh jis ke mujhe rubaroo karein
Na gul ko hai sabaat na ham ko hai aitbaar
Kis baat par chaman hawase rang o boo karein
Hai apni yeh salah ke sab zaahidane shahr
Aye Dard! aa ke bai'at-e daste saboo karein
مقرر کے بارے میں
احساس زندہ ھے تو انسان زندہ ھے اور احساس کو زبان دینا،الفاظ دیناعطا ھے۔۔۔۔ ظُلمت کے اس جنگل میں ھم زندہ ھیں مظلوموں سے کہہ دو ھم شرمندہ ھیں (سجادرضا)
مکمل سوانح دیکھیں