میں نے پوچھا پہلا پتھر مجھ پر کون اٹھائے گا — آواز: سجاد رضا | شاعر: قتیل شفائی
مقرر / سپیکر
میں نے پوچھا پہلا پتھر مجھ پر کون اٹھائے گا
میں نے پوچھا پہلا پتھر مجھ پر کون اٹھائے گا
آئی اک آواز کہ تو جس کا محسن کہلائے گا
پوچھ سکے تو پوچھے کوئی روٹھ کے جانے والوں سے
روشنیوں کو میرے گھر کا رستہ کون بتائے گا
ڈالی ہے اس خوش فہمی نے عادت مجھ کو سونے کی
نکلے گا جب سورج تو خود مجھ کو آن جگائے گا
لوگو میرے ساتھ چلو تم جو کچھ ہے وہ آگے ہے
پیچھے مڑ کر دیکھنے والا پتھر کا ہو جائے گا
دن میں ہنس کر ملنے والے چہرے صاف بتاتے ہیں
ایک بھیانک سپنا مجھ کو ساری رات ڈرائے گا
میرے بعد وفا کا دھوکا اور کسی سے مت کرنا
گالی دے گی دنیا تجھ کو سر میرا جھک جائے گا
سوکھ گئی جب آنکھوں میں پیار کی نیلی جھیل قتیلؔ
تیرے درد کا زرد سمندر کاہے شور مچائے گا
شاعر: قتیل شفائی
آواز: سجاد رضا
Main ne poocha pehla patthar mujh par kaun uthaye ga
Main ne poocha pehla patthar mujh par kaun uthaye ga
Aai ek aawaz ke tu jis ka mohsin kehlaye ga
Poochh sake to pooche koi rooth ke jaane walon se
Roshniyon ko mere ghar ka rasta kaun bataye ga
Daali hai is khush fehmi ne aadat mujh ko sone ki
Nikle ga jab suraj to khud mujh ko aan jagaye ga
Logo mere saath chalo tum jo kuch hai woh aage hai
Peechhe mud kar dekhne wala patthar ka ho jaye ga
Din mein hans kar milne wale chehre saaf batate hain
Ek bhayanak sapna mujh ko saari raat daraye ga
Mere baad wafa ka dhoka aur kisi se mat karna
Gaali de gi duniya tujh ko sar mera jhuk jaye ga
Sookh gai jab aankhon mein pyaar ki neeli jheel Qateel!
Tere dard ka zard samandar kaahe shor machaye ga
مقرر کے بارے میں
احساس زندہ ھے تو انسان زندہ ھے اور احساس کو زبان دینا،الفاظ دیناعطا ھے۔۔۔۔ ظُلمت کے اس جنگل میں ھم زندہ ھیں مظلوموں سے کہہ دو ھم شرمندہ ھیں (سجادرضا)
مکمل سوانح دیکھیں