محبت کی حقیقت — آواز: سجاد رضا | شاعر: سجاد رضا

محبت کی حقیقت

محبت کی حقیقت
محبت بے غرض یا خودغرض ھے
محبت بے ریا یا بس ریا ھے
یہ ھے بے لوث یا ھے لوث پرور
ھے سچی مہرباں یا سنگدل ھے
یہ ھے کیا انکساری یا تکبر
سخاوت اس کا خاصہ یا بخیلی
عبادت کی ھےصورت یا حوس ھے
محبت درد مندی یا کہ ھے ایذا رسانی
محبت کی حقیقت کیا ھے آخر
محبت۔۔۔۔
محبت اک صحیفہ ھے
جو پہلی سانس لیتے ھی
ھمارے دل پہ اُترا ھے
صحیفوں میں تو لکھا ھے
ریا کاری عبادت خاک کر جائے
تو پھر کیسے ریا کاری محبت ھو
حوس میں اور محبت میں
یہ اک تفریق واضح ھے
محبت
وصل کے ھونے نہ ھونے سے مُبرّا ھے
حوس ھے یہ
جو بس اک وصل کی خاطر
ہر اک حد سے گُزر جائے
حوس کو ھم
محبت کہہ نہیں سکتے
محبت پارسائی ھے
یہ اک بے لوث جذبہ ھے
وصل کی خواہشوں سے ماورا ھو کر
جسےنہ قول دینا ھے
نہ ہی اقرار سننا ھے
بنا شرطوں کے بس جس نے
کسی کودل میں رکھنا ھے
جسے محبوب کی خوشیوں
میں خوش رہنے میں راحت ھے
یہی اِس کی حقیقت ھے
یہی سچی محبت ھے

شاعر: سجاد رضا

آواز: سجاد رضا