ناشناس — آواز: سجاد رضا | شاعر: مصطفی زیدی
مقرر / سپیکر
ناشناس
کتنے لہجوں کی کٹاریں مری گردن پہ چلیں
کتنے الفاظ کا سیسہ مرے کانوں میں گھلا
جس میں اک سمت دھندلکا تھا اور اک سمت غبار
اس ترازو پہ مرے درد کا سامان تلا
کم نگاہی نے بصیرت پہ اٹھائے نیزے
وہم کی نہر میں پیراہن افکار دھلا
قحط ایسا تھا کہ برپا نہ ہوئی مجلس عشق
حبس ایسا تھا کہ تحقیق کا پرچم نہ کھلا
کون سے دیس میں رہتے ہیں وہ مونس جن کی
روز اک بات سناتے تھے سنانے والے
ٹھوکروں میں ہے متاع دل ویراں کب سے
کیا ہوئے غم کو سر آنکھوں پہ بٹھانے والے
رات سنسان ہے بے نور ستارے مدھم
کیا ہوئے راہ میں پلکوں کو بچھانے والے
اب تو وہ دن بھی نہیں ہیں کہ مرے نام کے ساتھ
آپ کا نام بتاتے تھے زمانے والے
شاعر: مصطفی زیدی
آواز: سجاد رضا
Naashanaas
Kitne lehjon ki kataariyan meri gardan pe chalin
Kitne alfaaz ka seesa mere kaano mein ghula
Jismein ek simt dhundalka tha aur ek simt ghubaar
Is tarazu pe mere dard ka saamaan tula
Kam-nigahi ne baseerat pe uthaye neeze
Wehm ki nehar mein pairaahan-e-afkaar dhula
Qaht aisa tha ke barpa na hui majlis-e-ishq
Habs aisa tha ke tehqeeq ka parcham na khula
Kaun se des mein rehte hain woh moonis jin ki
Roz ek baat sunate the sunane wale
Thokaron mein hai mata-e-dil-e-veeran kab se
Kya hue gham ko sar aankhon pe bithane wale
Raat sunsaan hai be-noor sitare madham
Kya hue raah mein palkon ko bichhane wale
Ab toh woh din bhi nahin hain ke mere naam ke saath
Aap ka naam batate the zamane wale
مقرر کے بارے میں
احساس زندہ ھے تو انسان زندہ ھے اور احساس کو زبان دینا،الفاظ دیناعطا ھے۔۔۔۔ ظُلمت کے اس جنگل میں ھم زندہ ھیں مظلوموں سے کہہ دو ھم شرمندہ ھیں (سجادرضا)
مکمل سوانح دیکھیں