اک پل میں اک صدی کا مزا ہم سے پوچھئے — آواز: نایاب | شاعر: خمار بارہ بنکوی
مقرر / سپیکر
اک پل میں اک صدی کا مزا ہم سے پوچھئے
اک پل میں اک صدی کا مزا ہم سے پوچھئے
دو دن کی زندگی کا مزا ہم سے پوچھئے
بھولے ہیں رفتہ رفتہ انہیں مدتوں میں ہم
قسطوں میں خودکشی کا مزا ہم سے پوچھئے
آغاز عاشقی کا مزا آپ جانئے
انجام عاشقی کا مزا ہم سے پوچھئے
جلتے دیوں میں جلتے گھروں جیسی ضو کہاں
سرکار روشنی کا مزا ہم سے پوچھئے
وہ جان ہی گئے کہ ہمیں ان سے پیار ہے
آنکھوں کی مخبری کا مزا ہم سے پوچھئے
ہنسنے کا شوق ہم کو بھی تھا آپ کی طرح
ہنسئے مگر ہنسی کا مزا ہم سے پوچھئے
ہم توبہ کر کے مر گئے بے موت اے خمارؔ
توہین مے کشی کا مزا ہم سے پوچھئے
شاعر: خمار بارہ بنکوی
آواز: نایاب
Ek pal mein ek sadi ka maza hum se poochhiye
Ek pal mein ek sadi ka maza hum se poochhiye
Do din ki zindagi ka maza hum se poochhiye
Bhoole hain rafta rafta unhein mudd'aton mein hum
Qiston mein khudkushi ka maza hum se poochhiye
Aaghaaz-e-aashiqi ka maza aap jaaniye
Anjaam-e-aashiqi ka maza hum se poochhiye
Jalte diyon mein jalte gharon jaisi zau kahan
Sarkar roshni ka maza hum se poochhiye
Woh jaan hi gaye ke hamein un se pyaar hai
Aankhon ki mukhbari ka maza hum se poochhiye
Hansne ka shauq hum ko bhi tha aap ki tarah
Hanse magar hansi ka maza hum se poochhiye
Hum tauba kar ke mar gaye be-maut aye Khumar
Tohin-e-mai-kashi ka maza hum se poochhiye
مقرر کے بارے میں
میں نایاب ہوں، اس دنیا کی عام روش سے ہٹ کر، اپنی پہچان خود بناتی ہوں!
مکمل سوانح دیکھیں