کو بہ کو پھیل گئی بات شناسائی کی — آواز: نایاب | شاعر: پروین شاکر
مقرر / سپیکر
کو بہ کو پھیل گئی بات شناسائی کی
کو بہ کو پھیل گئی بات شناسائی کی
اس نے خوشبو کی طرح میری پذیرائی کی
کیسے کہہ دوں کہ مجھے چھوڑ دیا ہے اس نے
بات تو سچ ہے مگر بات ہے رسوائی کی
وہ کہیں بھی گیا لوٹا تو مرے پاس آیا
بس یہی بات ہے اچھی مرے ہرجائی کی
تیرا پہلو ترے دل کی طرح آباد رہے
تجھ پہ گزرے نہ قیامت شب تنہائی کی
اس نے جلتی ہوئی پیشانی پہ جب ہاتھ رکھا
روح تک آ گئی تاثیر مسیحائی کی
اب بھی برسات کی راتوں میں بدن ٹوٹتا ہے
جاگ اٹھتی ہیں عجب خواہشیں انگڑائی کی
شاعر: پروین شاکر
آواز: نایاب
Kū ba kū phail gaī bāt shanāsāī kī
Kū ba kū phail gaī bāt shanāsāī kī
Us ne khushboo kī tarah merī pazīrāī kī
Kaise keh dūñ ke mujhe chhoṛ diyā hai us ne
Bāt toh sach hai magar bāt hai rusvāī kī
Voh kahīñ bhī gayā lauṭā toh mere pās āyā
Bas yeh hī bāt hai achchhī mere harjāī kī
Terā pahlu tere dil kī tarah ābād rahe
Tujh pe guzre na qayāmat shab-e-tanhāī kī
Us ne jaltī huī peshānī pe jab haath rakhā
Rūh tak aa gaī tāseer-e-maseehāī kī
Ab bhī barsāt kī rātoñ maiñ badan ṭūṭtā hai
Jāg uṭhtī haiñ ajab ḳhvāhisheñ angṛāī kī
مقرر کے بارے میں
میں نایاب ہوں، اس دنیا کی عام روش سے ہٹ کر، اپنی پہچان خود بناتی ہوں!
مکمل سوانح دیکھیں