کب نشاں میرا کسی کو شب ہستی میں ملا — آواز: نایاب | شاعر: مظفر وارثی
مقرر / سپیکر
کب نشاں میرا کسی کو شب ہستی میں ملا
کب نشاں میرا کسی کو شب ہستی میں ملا
میں تو جگنو کی طرح اپنی ہی مٹھی میں ملا
بھاگ نکلا تھا جو طوفاں سے چھڑا کر دامن
سر ساحل وہی ڈوبا ہوا کشتی میں ملا
آنکھ روشن ہو تو دنیا کے اندھیرے کیا ہیں
رستہ مہتاب کو راتوں کی سیاہی میں ملا
میں جلاتا رہا تیرے لیے لمحوں کے چراغ
تو گزرتا ہوا صدیوں کی سواری میں ملا
تو نے منگتوں کو اچٹتی ہوئی نظریں بھی نہ دیں
ہاتھ پھیلایا نہ جس نے اسے جھولی میں ملا
میں اک آنسو ہی سہی ہوں بہت انمول مگر
یوں نہ پلکوں سے گرا کر مجھے مٹی میں ملا
محفلوں میں کیا لوگوں نے مظفرؔ کی تلاش
وہ بھٹکتا ہوا افکار کی وادی میں ملا
شاعر: مظفر وارثی
آواز: نایاب
Kab nishaan mera kisi ko shab-e-hasti mein mila
Kab nishaan mera kisi ko shab-e-hasti mein mila
Main to jugnu ki tarah apni hi mutthi mein mila
Bhaag nikla tha jo toofan se chhuda kar daman
Sar sahil wahi dooba hua kashti mein mila
Aankh roshan ho to duniya ke andhere kya hain
Rasta mahtab ko raaton ki siyahi mein mila
Main jalata raha tere liye lamhon ke chiragh
Tu guzarta hua sadiyon ki sawari mein mila
Tu ne mangton ko uchatti hui nazren bhi na dein
Haath phailaya na jis ne use jholi mein mila
Main ek aansu hi sahi hoon bahut anmol magar
Yun na palkon se gira kar mujhe mitti mein mila
Mehfilon mein kiya logon ne Muzaffar ki talash
Wo bhatakta hua afkar ki wadi mein mila
مقرر کے بارے میں
میں نایاب ہوں، اس دنیا کی عام روش سے ہٹ کر، اپنی پہچان خود بناتی ہوں!
مکمل سوانح دیکھیں