بانجھ — آواز: وقاراحسن | شاعر: وزیر آغا
مقرر / سپیکر
بانجھ
چھتوں منڈیروں اور پیڑوں پر
ڈھلتی دھوپ کے اجلے کپڑے سوکھ رہے تھے
بادل سرخ سی جھالر والے بانکے بادل
ہنستے چہکتے پھولوں کا اک گلدستہ تھے
ہر شے کندن روپ میں ڈھل کر دمک رہی تھی
گالوں پر سونے کی ڈلگ اور آنکھوں میں اک تیز چمک تھی
سارا منظر کیف کے اک لمحے میں بے بس
لذت کی بانہوں میں جکڑا ہمک رہا تھا
اور پھر دو آنکھوں کو ملتی
کالے الجھے بالوں کو مکھ پر بکھرائے
چھوٹے چھوٹے قدم اٹھاتی بڑھتی آئی
پہلی کھڑکی میں جب اس نے جھانکا
کھڑکی کی دہلیز پہ رکھا اک نازک گلدان چٹخ کر ٹوٹ گیا
الجھے بالوں پاگل آنکھوں والی نے تب آگے بڑھ کر
دوسری تیسری اور پھر گلی کی ہر کھڑکی میں جھانک کے دیکھا
گل دانوں کو ٹھوکر ماری
اک اک پھول کو روند دیا
تب وہ مجھ کو دیکھ کے لپکی
میری جانب غیظ بھری نظروں کا ریلا آیا
پھر جیسے کچھ شوخ کے ٹھٹھکی
سرخ گلاب کا پھول مرے ہاتھوں میں تھمایا
اور خود چکنے فرش پہ گر کر ٹوٹ گئی
شاعر: وزیر آغا
آواز: وقاراحسن
Baanjh
Chhaton mundeeron aur pedon par
Dhalti dhoop ke ujle kapde sookh rahe the
Baadal surkh si jhalar wale baanke badal
Hanste chehakte phoolon ka ek guldasta the
Har shai kundan roop mein dhal kar damak rahi thi
Gaalon par sone ki dalag aur aankhon mein ek tez chamak thi
Sara manzar kaif ke ek lamhe mein be-bas
Lazzat ki baahon mein jakda hamak raha tha
Aur phir do aankhon ko milti
Kaale uljhe baalon ko mukh par bikhrae
Chhote chhote qadam uthati badhti aayi
Pehli khidki mein jab usne jhaanka
Khidki ki dehlez pe rakha ek nazuk guldaan chatakh kar toot gaya
Uljhe baalon pagal aankhon wali ne tab aage badh kar
Doosri teesri aur phir gali ki har khidki mein jhaank ke dekha
Gul danon ko thokar maari
Ek ek phool ko rond diya
Tab woh mujh ko dekh ke lapki
Meri janib ghaiz bhari nazron ka reela aaya
Phir jaise kuch shokh ke thathki
Surkh gulab ka phool mere haathon mein thamaya
Aur khud chikne farsh pe gir kar toot gayi