چھلک رہی ہے مئے ناب تشنگی کے لئے — آواز: زاہدحسین | شاعر: زہرا نگاہ
مقرر / سپیکر
چھلک رہی ہے مئے ناب تشنگی کے لئے
چھلک رہی ہے مئے ناب تشنگی کے لئے
سنور رہی ہے تری بزم برہمی کے لئے
نہیں نہیں ہمیں اب تیری جستجو بھی نہیں
تجھے بھی بھول گئے ہم تری خوشی کے لئے
جو تیرگی میں ہویدا ہو قلب انساں سے
ضیا نواز وہ شعلہ ہے تیرگی کے لئے
کہاں کے عشق و محبت کدھر کے ہجر و وصال
ابھی تو لوگ ترستے ہیں زندگی کے لئے
جہان نو کا تصور حیات نو کا خیال
بڑے فریب دئے تم نے بندگی کے لئے
مئے حیات میں شامل ہے تلخیٔ دوراں
جبھی تو پی کے ترستے ہیں بے خودی کے لئے
شاعر: زہرا نگاہ
آواز: زاہدحسین
Chhalak rahi hai mai-e-naab tashnagi ke liye
Chhalak rahi hai mai-e-naab tashnagi ke liye
Sanwar rahi hai teri bazm barhami ke liye
Nahin nahin humein ab teri justajoo bhi nahin
Tujhe bhi bhool gaye hum teri khushi ke liye
Jo teergi mein huvaida ho qalb-e-insaan se
Zia nawaaz woh shola hai teergi ke liye
Kahan ke ishq-o-mohabbat kidhar ke hijr-o-wisaal
Abhi to log taraste hain zindagi ke liye
Jahaan-e-nau ka tasawwur hayaat-e-nau ka khayal
Bade fareb diye tum ne bandagi ke liye
Mai-e-hayat mein shaamil hai talkhi-e-dauraan
Jabhee to pee ke taraste hain bekhudi ke liye