جتنا تہذیب بدن سے میں سنورتا جاؤں — آواز: زاہدحسین | شاعر: محسن زیدی
مقرر / سپیکر
جتنا تہذیب بدن سے میں سنورتا جاؤں
جتنا تہذیب بدن سے میں سنورتا جاؤں
اتنا ہی ٹوٹ کے اندر سے بکھرتا جاؤں
زندگی جیسے کلنڈر پہ بدلتی تاریخ
میں شب و روز کے مانند گزرتا جاؤں
کیا پتا خوابوں کی تعبیر ملے یا نہ ملے
کسی کاغذ پہ انہیں نوٹ ہی کرتا جاؤں
صحن گلشن سے وہ اک آخری رشتہ بھی گیا
خشک پتوں کی طرح اب تو بکھرتا جاؤں
تہ ظلمات ان آنکھوں کے دیے جلتے جائیں
زینہ زینہ میں اجالوں میں اترتا جاؤں
گرد دامن کی طرح مجھ کو اڑانے والے
عکس بن کر تری آنکھوں میں ٹھہرتا جاؤں
کتنے گھبرائے ہوئے ہیں مرے قاتل محسنؔ
آستینوں پہ لہو بن کے ابھرتا جاؤں
شاعر: محسن زیدی
آواز: زاہدحسین
Jitna tehzeeb-e-badan se main sanwarta jaaun
Jitna tehzeeb-e-badan se main sanwarta jaaun
Utna hi toot ke andar se bikhrta jaaun
Zindagi jaise calendar pe badalti tareekh
Main shab-o-roz ke manind guzarta jaaun
Kya pata khwabon ki ta'beer mile ya na mile
Kisi kagaz pe unhen note hi karta jaaun
Sehan-e-gulshan se woh ik aakhri rishta bhi gaya
Khushk patton ki tarah ab to bikhrta jaaun
Teh-e-zulmaat in aankhon ke diye jalte jaayen
Zeena zeena main ujalon mein utarta jaaun
Gard-e-daman ki tarah mujhko udaane wale
Aks ban kar teri aankhon mein theharta jaaun
Kitne ghabraaye hue hain mere qatil Mohsin
Aasteenon pe lahoo ban ke ubharta jaaun