صبح کا بھید ملا کیا ہم کو — آواز: زاہدحسین | شاعر: باقی صدیقی
مقرر / سپیکر
صبح کا بھید ملا کیا ہم کو
صبح کا بھید ملا کیا ہم کو
لگ گیا رات کا دھڑکا ہم کو
شوق نظارا کا پردہ اٹھا
نظر آنے لگی دنیا ہم کو
کشتیاں ٹوٹ گئی ہیں ساری
اب لیے پھرتا ہے دریا ہم کو
بھیڑ میں کھو گئے آخر ہم بھی
نہ ملا جب کوئی رستہ ہم کو
تلخئ غم کا مداوا معلوم
پڑ گیا زہر کا چسکا ہم کو
تیرے غم سے تو سکوں ملتا ہے
اپنے شعلوں نے جلایا ہم کو
گھر کو یوں دیکھ رہے ہیں جیسے
آج ہی گھر نظر آیا ہم کو
ہم کہ شعلہ بھی ہیں اور شبنم بھی
تو نے کس رنگ میں دیکھا ہم کو
جلوۂ لالہ و گل ہے دیوار
کبھی ملتے سر صحرا ہم کو
لے اڑی دل کو نسیم سحری
بوئے گل کر گئی تنہا ہم کو
سیر گلشن نے کیا آوارہ
لگ گیا روگ صبا کا ہم کو
یاد آئی ہیں برہنہ شاخیں
تھام لے اے گل تازہ ہم کو
لے گیا ساتھ اڑا کر باقیؔ
ایک سوکھا ہوا پتا ہم کو
شاعر: باقی صدیقی
آواز: زاہدحسین
Subh ka bhed mila kya hum ko
Subh ka bhed mila kya hum ko
Lag gaya raat ka dhadka hum ko
Shauq-e-nazzara ka parda utha
Nazar aane lagi duniya hum ko
Kashtiyan toot gain hain saari
Ab liye phirta hai darya hum ko
Bheed mein kho gaye aakhir hum bhi
Na mila jab koi rasta hum ko
Talkhi-e-gham ka madawa maloom
Pad gaya zehar ka chaska hum ko
Tere gham se to sukoon milta hai
Apne sholon ne jalaya hum ko
Ghar ko yun dekh rahe hain jaise
Aaj hi ghar nazar aaya hum ko
Hum ke shola bhi hain aur shabnam bhi
Tu ne kis rang mein dekha hum ko
Jalwa-e-lala-o-gul hai deewar
Kabhi milte sar-e-sehra hum ko
Le udi dil ko naseem-e-sahari
Boo-e-gul kar gayi tanha hum ko
Sair-e-gulshan ne kiya awara
Lag gaya rog saba ka hum ko
Yaad aayin hain barehna shakhein
Tham le ae gul-e-taza hum ko
Le gaya saath uda kar Baqiؔ
Ek sookha hua patta hum ko