تصور سے کسی کے میں نے کی ہے گفتگو برسوں — آواز: زاہدحسین | شاعر: حیدر علی آتش
مقرر / سپیکر
تصور سے کسی کے میں نے کی ہے گفتگو برسوں
تصور سے کسی کے میں نے کی ہے گفتگو برسوں
رہی ہے ایک تصویر خیالی روبرو برسوں
ہوا مہمان آ کر رات بھر وہ شمع رو برسوں
رہا روشن مرے گھر کا چراغ آرزو برسوں
برابر جان کے رکھا ہے اس کو مرتے مرتے تک
ہماری قبر پر رویا کرے گی آرزو برسوں
چمن میں جا کے بھولے سے میں خستہ دل کراہا تھا
کیا کی گل سے بلبل شکوۂ درد گلو برسوں
اگر میں خاک بھی ہوں گا تو آتشؔ گرد باد آسا
رکھے گی مجھ کو سرگشتہ کسی کی جستجو برسوں
شاعر: حیدر علی آتش
آواز: زاہدحسین
Tasavvur se kisi ke main ne ki hai guftugu barson
Tasavvur se kisi ke main ne ki hai guftugu barson
Rahi hai ek tasveer khayali rubaru barson
Hua mehmaan aa kar raat bhar woh shama ru barson
Raha roshan mere ghar ka chiragh-e-aarzoo barson
Barabar jaan ke rakha hai us ko marte marte tak
Hamaari qabr par roya karegi aarzoo barson
Chaman mein ja ke bhoole se main khasta dil karaha tha
Kya ki gul se bulbul shikwa-e-dard-e-guloo barson
Agar main khak bhi hunga to Atash gard-e-baad aasa
Rakkhegi mujh ko sargash-ta kisi ki justujoo barson