اب کے ہم بچھڑے تو شاید کبھی خوابوں میں ملیں — احمد فراز
شاعر
اب کے ہم بچھڑے تو شاید کبھی خوابوں میں ملیں
اب کے ہم بچھڑے تو شاید کبھی خوابوں میں ملیں
جس طرح سوکھے ہوئے پھول کتابوں میں ملیں
ڈھونڈ اجڑے ہوئے لوگوں میں وفا کے موتی
یہ خزانے تجھے ممکن ہے خرابوں میں ملیں
غم دنیا بھی غم یار میں شامل کر لو
نشہ بڑھتا ہے شرابیں جو شرابوں میں ملیں
تو خدا ہے نہ مرا عشق فرشتوں جیسا
دونوں انساں ہیں تو کیوں اتنے حجابوں میں ملیں
آج ہم دار پہ کھینچے گئے جن باتوں پر
کیا عجب کل وہ زمانے کو نصابوں میں ملیں
اب نہ وہ میں نہ وہ تو ہے نہ وہ ماضی ہے فرازؔ
جیسے دو شخص تمنا کے سرابوں میں ملیں
Ab ke hum bichhde to shayad kabhi khwabon mein milein
Ab ke hum bichhde to shayad kabhi khwabon mein milein
Jis tarah sookhe hue phool kitaabon mein milein
Dhoond ujde hue logon mein wafa ke moti
Yeh khazane tujhe mumkin hai kharabon mein milein
Gham-e-duniya bhi gham-e-yar mein shamil kar lo
Nasha badhta hai sharabein jo sharabon mein milein
Tu Khuda hai na mera ishq farishton jaisa
Dono insaan hi hain to kyun itne hijaabon mein milein
Aaj hum daar pe khenche gaye jin baaton par
Kya ajab kal woh zamane ko nisaabon mein milein
Ab na woh main na woh tu hai na woh maazi hai Faraz
Jaise do shakhs tamanna ke saraabon mein milein
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں