اب کیا سوچیں کیا حالات تھے کس کارن یہ زہر پیا ہے — احمد فراز
شاعر
اب کیا سوچیں کیا حالات تھے کس کارن یہ زہر پیا ہے
اب کیا سوچیں کیا حالات تھے کس کارن یہ زہر پیا ہے
ہم نے اس کے شہر کو چھوڑا اور آنکھوں کو موند لیا ہے
اپنا یہ شیوہ تو نہیں تھا اپنے غم اوروں کو سونپیں
خود تو جاگتے یا سوتے ہیں اس کو کیوں بے خواب کیا ہے
خلقت کے آوازے بھی تھے بند اس کے دروازے بھی تھے
پھر بھی اس کوچے سے گزرے پھر بھی اس کا نام لیا ہے
ہجر کی رت جاں لیوا تھی پر غلط سبھی اندازے نکلے
تازہ رفاقت کے موسم تک میں بھی جیا ہوں وہ بھی جیا ہے
ایک فرازؔ تمہیں تنہا ہو جو اب تک دکھ کے رسیا ہو
ورنہ اکثر دل والوں نے درد کا رستہ چھوڑ دیا ہے
Ab kya sochein kya halaat the kis kaaran yeh zeher piya hai
Ab kya sochein kya halaat the kis kaaran yeh zeher piya hai
Humne us ke shehr ko chhoda aur aankhon ko moond liya hai
Apna yeh shewa to nahin tha apne gham auron ko saunpein
Khud to jaagte ya sote hain us ko kyun be-khwab kiya hai
Khalqat ke aawaze bhi the band us ke darwaze bhi the
Phir bhi us kooche se guzre phir bhi us ka naam liya hai
Hijr ki rut jaanlewa thi par ghalat sabhi andaaze nikle
Taza rafaaqat ke mausam tak main bhi jiya hoon woh bhi jiya hai
Ek Faraz tumhe tanha ho jo ab tak dukh ke rasiya ho
Warna aksar dil walon ne dard ka rasta chhod diya hai
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں