ابھی کچھ اور کرشمے غزل کے دیکھتے ہیں — احمد فراز
شاعر
ابھی کچھ اور کرشمے غزل کے دیکھتے ہیں
ابھی کچھ اور کرشمے غزل کے دیکھتے ہیں
فرازؔ اب ذرا لہجہ بدل کے دیکھتے ہیں
جدائیاں تو مقدر ہیں پھر بھی جان سفر
کچھ اور دور ذرا ساتھ چل کے دیکھتے ہیں
رہ وفا میں حریف خرام کوئی تو ہو
سو اپنے آپ سے آگے نکل کے دیکھتے ہیں
تو سامنے ہے تو پھر کیوں یقیں نہیں آتا
یہ بار بار جو آنکھوں کو مل کے دیکھتے ہیں
یہ کون لوگ ہیں موجود تیری محفل میں
جو لالچوں سے تجھے مجھ کو جل کے دیکھتے ہیں
یہ قرب کیا ہے کہ یک جاں ہوئے نہ دور رہے
ہزار ایک ہی قالب میں ڈھل کے دیکھتے ہیں
نہ تجھ کو مات ہوئی ہے نہ مجھ کو مات ہوئی
سو اب کے دونوں ہی چالیں بدل کے دیکھتے ہیں
یہ کون ہے سر ساحل کہ ڈوبنے والے
سمندروں کی تہوں سے اچھل کے دیکھتے ہیں
ابھی تلک تو نہ کندن ہوئے نہ راکھ ہوئے
ہم اپنی آگ میں ہر روز جل کے دیکھتے ہیں
بہت دنوں سے نہیں ہے کچھ اس کی خیر خبر
چلو فرازؔ کو اے یار چل کے دیکھتے ہیں
Abhi kuch aur karishme ghazal ke dekhte hain
Abhi kuch aur karishme ghazal ke dekhte hain
Faraz ab zara lehja badal ke dekhte hain
Judaaiyaan to muqaddar hain phir bhi jaan-e-safar
Kuch aur door zara saath chal ke dekhte hain
Rah-e-wafa mein hareem-e-khiraam koi to ho
So apne aap se aage nikal ke dekhte hain
Tu saamne hai to phir kyun yaqeen nahin aata
Yeh baar baar jo aankhon ko mal ke dekhte hain
Yeh kaun log hain maujood teri mehfil mein
Jo laalachon se tujhe mujh ko jal ke dekhte hain
Yeh qurb kya hai ke yak-jaan hue na door rahe
Hazaar ek hi qaalib mein dhal ke dekhte hain
Na tujh ko maat hui hai na mujh ko maat hui
So ab ke dono hi chaalein badal ke dekhte hain
Yeh kaun hai sar-e-saahil ke doobne wale
Samundaron ki tahon se uchhal ke dekhte hain
Abhi talak to na kundan hue na raakh hue
Hu apni aag mein har roz jal ke dekhte hain
Bohat dinon se nahin hai kuch us ki khair khabar
Chalo Faraz ko ae yaar chal ke dekhte hain
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں