عجب جنون مسافت میں گھر سے نکلا تھا — احمد فراز
شاعر
عجب جنون مسافت میں گھر سے نکلا تھا
عجب جنون مسافت میں گھر سے نکلا تھا
خبر نہیں ہے کہ سورج کدھر سے نکلا تھا
یہ کون پھر سے انہیں راستوں میں چھوڑ گیا
ابھی ابھی تو عذاب سفر سے نکلا تھا
یہ تیر دل میں مگر بے سبب نہیں اترا
کوئی تو حرف لب چارہ گر سے نکلا تھا
یہ اب جو آگ بنا شہر شہر پھیلا ہے
یہی دھواں مرے دیوار و در سے نکلا تھا
میں رات ٹوٹ کے رویا تو چین سے سویا
کہ دل کا زہر مری چشم تر سے نکلا تھا
یہ اب جو سر ہیں خمیدہ کلاہ کی خاطر
یہ عیب بھی تو ہم اہل ہنر سے نکلا تھا
وہ قیس اب جسے مجنوں پکارتے ہیں فرازؔ
تری طرح کوئی دیوانہ گھر سے نکلا تھا
Ajab junoon musafat mein ghar se nikla tha
Ajab junoon musafat mein ghar se nikla tha
Khabar nahin hai ke suraj kidhar se nikla tha
Yeh kaun phir se unhein raaston mein chhod gaya
Abhi abhi to azab-e-safar se nikla tha
Yeh teer dil mein magar be-sabab nahin utra
Koi to harf-e-lab chara-gar se nikla tha
Yeh ab jo aag bana shehr shehr phaila hai
Yehi dhuan mere deewar-o-dar se nikla tha
Main raat toot ke roya to chain se soya
Ke dil ka zehr meri chashm-e-tar se nikla tha
Yeh ab jo sar hain khamida kulah ki khatir
Yeh aib bhi to hum ahl-e-hunar se nikla tha
Woh Qais ab jise Majnun pukarte hain Faraz
Teri tarah koi deewana ghar se nikla tha
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں