اول اول کی دوستی ہے ابھی — احمد فراز
شاعر
اول اول کی دوستی ہے ابھی
اول اول کی دوستی ہے ابھی
اک غزل ہے کہ ہو رہی ہے ابھی
میں بھی شہر وفا میں نو وارد
وہ بھی رک رک کے چل رہی ہے ابھی
میں بھی ایسا کہاں کا زود شناس
وہ بھی لگتا ہے سوچتی ہے ابھی
دل کی وارفتگی ہے اپنی جگہ
پھر بھی کچھ احتیاط سی ہے ابھی
گرچہ پہلا سا اجتناب نہیں
پھر بھی کم کم سپردگی ہے ابھی
کیسا موسم ہے کچھ نہیں کھلتا
بوندا باندی بھی دھوپ بھی ہے ابھی
خود کلامی میں کب یہ نشہ تھا
جس طرح روبرو کوئی ہے ابھی
قربتیں لاکھ خوبصورت ہوں
دوریوں میں بھی دل کشی ہے ابھی
فصل گل میں بہار پہلا گلاب
کس کی زلفوں میں ٹانکتی ہے ابھی
مدتیں ہو گئیں فرازؔ مگر
وہ جو دیوانگی کہ تھی ہے ابھی
Awwal awwal ki dosti hai abhi
Awwal awwal ki dosti hai abhi
Ek ghazal hai ke ho rahi hai abhi
Main bhi shehr-e-wafa mein nau-warid
Woh bhi ruk ruk ke chal rahi hai abhi
Main bhi aisa kahan ka zood-shanas
Woh bhi lagta hai sochti hai abhi
Dil ki waaraftagi hai apni jagah
Phir bhi kuch ehtiyat si hai abhi
Garchah pehla sa ijtinab nahin
Phir bhi kam kam supardagi hai abhi
Kaisa mausam hai kuch nahin khulta
Boonda baandi bhi dhoop bhi hai abhi
Khud-kalami mein kab yeh nasha tha
Jis tarah rubaru koi hai abhi
Qurbatein lakh khoobsurat hon
Dooriyon mein bhi dilkashi hai abhi
Fasl-e-gul mein bahar pehla gulab
Kis ki zulfon mein taankati hai abhi
Muddaten ho gaien Faraz magar
Woh jo deewangi ke thi hai abhi
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں