دکھ فسانہ نہیں کہ تجھ سے کہیں — احمد فراز
شاعر
دکھ فسانہ نہیں کہ تجھ سے کہیں
دکھ فسانہ نہیں کہ تجھ سے کہیں
دل بھی مانا نہیں کہ تجھ سے کہیں
آج تک اپنی بیکلی کا سبب
خود بھی جانا نہیں کہ تجھ سے کہیں
بے طرح حال دل ہے اور تجھ سے
دوستانہ نہیں کہ تجھ سے کہیں
ایک تو حرف آشنا تھا مگر
اب زمانہ نہیں کہ تجھ سے کہیں
قاصدا ہم فقیر لوگوں کا
اک ٹھکانہ نہیں کہ تجھ سے کہیں
اے خدا درد دل ہے بخشش دوست
آب و دانہ نہیں کہ تجھ سے کہیں
اب تو اپنا بھی اس گلی میں فرازؔ
آنا جانا نہیں کہ تجھ سے کہیں
Dukh fasana nahin ke tujh se kahein
Dukh fasana nahin ke tujh se kahein
Dil bhi mana nahin ke tujh se kahein
Aaj tak apni be-kali ka sabab
Khud bhi jaana nahin ke tujh se kahein
Be tarah haal-e-dil hai aur tujh se
Dostana nahin ke tujh se kahein
Ek to harf-e-ashna tha magar
Ab zamana nahin ke tujh se kahein
Qasda hum faqeer logon ka
Ek thikana nahin ke tujh se kahein
Aye Khuda dard-e-dil hai bakhshish-e-dost
Aab-o-dana nahin ke tujh se kahein
Ab to apna bhi us gali mein Faraz
Aana jaana nahin ke tujh se kahein
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں