ہوا کے زور سے پندار بام و در بھی گیا — احمد فراز
شاعر
ہوا کے زور سے پندار بام و در بھی گیا
ہوا کے زور سے پندار بام و در بھی گیا
چراغ کو جو بچاتے تھے ان کا گھر بھی گیا
پکارتے رہے محفوظ کشتیوں والے
میں ڈوبتا ہوا دریا کے پار اتر بھی گیا
اب احتیاط کی دیوار کیا اٹھاتے ہو
جو چور دل میں چھپا تھا وہ کام کر بھی گیا
میں چپ رہا کہ اسی میں تھی عافیت جاں کی
کوئی تو میری طرح تھا جو دار پر بھی گیا
سلگتے سوچتے ویران موسموں کی طرح
کڑا تھا عہد جوانی مگر گزر بھی گیا
جسے بھلا نہ سکا اس کو یاد کیا رکھتا
جو نام لب پہ رہا ذہن سے اتر بھی گیا
پھٹی پھٹی ہوئی آنکھوں سے یوں نہ دیکھ مجھے
تجھے تلاش ہے جس شخص کی وہ مر بھی گیا
مگر فلک کو عداوت اسی کے گھر سے تھی
جہاں فرازؔ نہ تھا سیل غم ادھر بھی گیا
Hawa ke zor se pindar-e-bam-o-dar bhi gaya
Hawa ke zor se pindar-e-bam-o-dar bhi gaya
Chiragh ko jo bachate the un ka ghar bhi gaya
Pukarte rahe mehfooz kashtiyon wale
Main doobta hua darya ke paar utar bhi gaya
Ab ehtiyat ki deewar kya uthate ho
Jo chor dil mein chhupa tha woh kaam kar bhi gaya
Main chup raha ke isi mein thi aafiyat-e-jaan ki
Koi to meri tarah tha jo dar par bhi gaya
Sulagte sochte veeran mausamon ki tarah
Kada tha ahd-e-jawani magar guzar bhi gaya
Jise bhula na saka us ko yaad kiya rakhta
Jo naam lab pe raha zehn se utar bhi gaya
Phati phati hui aankhon se yun na dekh mujhe
Tujhe talash hai jis shakhs ki woh mar bhi gaya
Magar falak ko adawat isi ke ghar se thi
Jahan Faraz na tha sail-e-gham udhar bhi gaya
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں