ہوئی ہے شام تو آنکھوں میں بس گیا پھر تو — احمد فراز
شاعر
ہوئی ہے شام تو آنکھوں میں بس گیا پھر تو
ہوئی ہے شام تو آنکھوں میں بس گیا پھر تو
کہاں گیا ہے مرے شہر کے مسافر تو
مری مثال کہ اک نخل خشک صحرا ہوں
ترا خیال کہ شاخ چمن کا طائر تو
میں جانتا ہوں کہ دنیا تجھے بدل دے گی
میں مانتا ہوں کہ ایسا نہیں بظاہر تو
ہنسی خوشی سے بچھڑ جا اگر بچھڑنا ہے
یہ ہر مقام پہ کیا سوچتا ہے آخر تو
فضا اداس ہے رت مضمحل ہے میں چپ ہوں
جو ہو سکے تو چلا آ کسی کی خاطر تو
فرازؔ تو نے اسے مشکلوں میں ڈال دیا
زمانہ صاحب زر اور صرف شاعر تو
Hui hai sham to aankhon mein bas gaya phir tu
Hui hai sham to aankhon mein bas gaya phir tu
Kahan gaya hai mere shehr ke musafir tu
Meri misal ke ek nakhl-e-khushk-e-sehra hoon
Tera khayal ke shakh-e-chaman ka taair tu
Main jaanta hoon ke duniya tujhe badal degi
Main manta hoon ke aisa nahin bazahir tu
Hansi khushi se bichhad ja agar bichhadna hai
Yeh har maqam pe kya sochta hai akhir tu
Fiza udas hai rut muzmahil hai main chup hoon
Jo ho sake to chala aa kisi ki khatir tu
Faraz tu ne use mushkilon mein dal diya
Zamana sahib-e-zar aur sirf shair tu
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں