خاموش ہو کیوں داد جفا کیوں نہیں دیتے — احمد فراز
شاعر
خاموش ہو کیوں داد جفا کیوں نہیں دیتے
خاموش ہو کیوں داد جفا کیوں نہیں دیتے
بسمل ہو تو قاتل کو دعا کیوں نہیں دیتے
وحشت کا سبب روزن زنداں تو نہیں ہے
مہر و مہ و انجم کو بجھا کیوں نہیں دیتے
اک یہ بھی تو انداز علاج غم جاں ہے
اے چارہ گرو درد بڑھا کیوں نہیں دیتے
منصف ہو اگر تم تو کب انصاف کرو گے
مجرم ہیں اگر ہم تو سزا کیوں نہیں دیتے
رہزن ہو تو حاضر ہے متاع دل و جاں بھی
رہبر ہو تو منزل کا پتہ کیوں نہیں دیتے
کیا بیت گئی اب کے فرازؔ اہل چمن پر؟
یاران قفس مجھ کو صدا کیوں نہیں دیتے
Khamosh ho kyun, daad-e-jafa kyun nahin dete
Khamosh ho kyun, daad-e-jafa kyun nahin dete
Bismil ho to qaatil ko dua kyun nahin dete
Wahshat ka sabab rozan-e-zindaan to nahin hai
Mihr o Mah o Anjum ko bujha kyun nahin dete
Ik yeh bhi to andaaz-e-ilaaj-e-gham-e-jaan hai
Ay charahgaro dard badha kyun nahin dete
Munsif ho agar tum to kab insaaf karoge
Mujrim hain agar hum to saza kyun nahin dete
Rahzan ho to haazir hai mataa-e-dil o jaan bhi
Rahbar ho to manzil ka pata kyun nahin dete
Kya beet gayi ab ke Faraz ahl-e-chaman par?
Yaaran-e-qafas mujh ko sada kyun nahin dete
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں