کیا ایسے کم سخن سے کوئی گفتگو کرے — احمد فراز
شاعر
کیا ایسے کم سخن سے کوئی گفتگو کرے
کیا ایسے کم سخن سے کوئی گفتگو کرے
جو مستقل سکوت سے دل کو لہو کرے
اب تو ہمیں بھی ترک مراسم کا دکھ نہیں
پر دل یہ چاہتا ہے کہ آغاز تو کرے
تیرے بغیر بھی تو غنیمت ہے زندگی
خود کو گنوا کے کون تری جستجو کرے
اب تو یہ آرزو ہے کہ وہ زخم کھائیے
تا زندگی یہ دل نہ کوئی آرزو کرے
تجھ کو بھلا کے دل ہے وہ شرمندۂ نظر
اب کوئی حادثہ ہی ترے روبرو کرے
چپ چاپ اپنی آگ میں جلتے رہو فرازؔ
دنیا تو عرض حال سے بے آبرو کرے
Kya aise kam-sukhan se koi guftugu kare
Kya aise kam-sukhan se koi guftugu kare
Jo mustaqil sakoot se dil ko lahu kare
Ab to humein bhi tark-e-maraasim ka dukh nahin
Par dil yeh chahta hai ke aaghaaz tu kare
Tere baghair bhi to ghaneemat hai zindagi
Khud ko ganwa ke kaun teri justujoo kare
Ab to yeh aarzoo hai ke woh zakhm khaaiye
Ta zindagi yeh dil na koi aarzoo kare
Tujh ko bhula ke dil hai woh sharminda-e-nazar
Ab koi haadisa hi tere rubaru kare
Chup chaap apni aag mein jalte raho Faraz
Duniya to arz-e-haal se be-aabroo kare
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں