سلسلے توڑ گیا وہ سبھی جاتے جاتے — احمد فراز
شاعر
سلسلے توڑ گیا وہ سبھی جاتے جاتے
سلسلے توڑ گیا وہ سبھی جاتے جاتے
ورنہ اتنے تو مراسم تھے کہ آتے جاتے
شکوۂ ظلمت شب سے تو کہیں بہتر تھا
اپنے حصے کی کوئی شمع جلاتے جاتے
کتنا آساں تھا ترے ہجر میں مرنا جاناں
پھر بھی اک عمر لگی جان سے جاتے جاتے
جشن مقتل ہی نہ برپا ہوا ورنہ ہم بھی
پا بجولاں ہی سہی ناچتے گاتے جاتے
اس کی وہ جانے اسے پاس وفا تھا کہ نہ تھا
تم فرازؔ اپنی طرف سے تو نبھاتے جاتے
Silsile tod gaya wo sabhi jaate jaate
Silsile tod gaya wo sabhi jaate jaate
Warna itne to marasim the ke aate jaate
Shikwa-e-zulmat-e-shab se to kahin behtar tha
Apne hisse ki koi shama jalate jaate
Kitna aasaan tha tere hijr mein marna jaanan
Phir bhi ek umr lagi jaan se jaate jaate
Jashn-e-maqtal hi na barpa hua warna hum bhi
Pa ba jaulan hi sahi naachte gaate jaate
Uski wo jaane use paas-e-wafa tha ke na tha
Tum Faraz, apni taraf se to nibhate jaate
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں