تجھ سے مل کر تو یہ لگتا ہے کہ اے اجنبی دوست — احمد فراز
شاعر
تجھ سے مل کر تو یہ لگتا ہے کہ اے اجنبی دوست
تجھ سے مل کر تو یہ لگتا ہے کہ اے اجنبی دوست
تو مری پہلی محبت تھی مری آخری دوست
لوگ ہر بات کا افسانہ بنا دیتے ہیں
یہ تو دنیا ہے مری جاں کئی دشمن کئی دوست
تیرے قامت سے بھی لپٹی ہے امر بیل کوئی
میری چاہت کو بھی دنیا کی نظر کھا گئی دوست
یاد آئی ہے تو پھر ٹوٹ کے یاد آئی ہے
کوئی گزری ہوئی منزل کوئی بھولی ہوئی دوست
اب بھی آئے ہو تو احسان تمہارا لیکن
وہ قیامت جو گزرنی تھی گزر بھی گئی دوست
تیرے لہجے کی تھکن میں ترا دل شامل ہے
ایسا لگتا ہے جدائی کی گھڑی آ گئی دوست
بارش سنگ کا موسم ہے مرے شہر میں تو
تو یہ شیشے سا بدن لے کے کہاں آ گئی دوست
میں اسے عہد شکن کیسے سمجھ لوں جس نے
آخری خط میں یہ لکھا تھا فقط آپ کی دوست
Tujh se mil kar to ye lagta hai ke ae ajnabi dost
Tujh se mil kar to ye lagta hai ke ae ajnabi dost
Tu meri pehli mohabbat thi meri aakhri dost
Log har baat ka afsana bana dete hain
Ye to duniya hai meri jaan kai dushman kai dost
Tere qamat se bhi lipati hai amar bel koi
Meri chahat ko bhi duniya ki nazar kha gai dost
Yaad aai hai to phir toot ke yaad aai hai
Koi guzri hui manzil koi bhooli hui dost
Ab bhi aaye ho to ehsan tumhara lekin
Wo qayamat jo guzarni thi guzar bhi gai dost
Tere lehje ki thakan mein tera dil shamil hai
Aisa lagta hai judai ki ghadi aa gai dost
Baarish-e-sang ka mausam hai mere shahr mein to
Tu ye sheeshe sa badan le ke kahan aa gai dost
Main use ehd shikan kaise samajh lun jis ne
Aakhri khat mein ye likha tha faqat aap ki dost
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں