یہ کیا کہ سب سے بیاں دل کی حالتیں کرنی — احمد فراز
شاعر
یہ کیا کہ سب سے بیاں دل کی حالتیں کرنی
یہ کیا کہ سب سے بیاں دل کی حالتیں کرنی
فرازؔ تجھ کو نہ آئیں محبتیں کرنی
یہ قرب کیا ہے کہ تو سامنے ہے اور ہمیں
شمار ابھی سے جدائی کی ساعتیں کرنی
کوئی خدا ہو کہ پتھر جسے بھی ہم چاہیں
تمام عمر اسی کی عبادتیں کرنی
سب اپنے اپنے قرینے سے منتظر اس کے
کسی کو شکر کسی کو شکایتیں کرنی
ہم اپنے دل سے ہی مجبور اور لوگوں کو
ذرا سی بات پہ برپا قیامتیں کرنی
ملیں جب ان سے تو مبہم سی گفتگو کرنا
پھر اپنے آپ سے سو سو وضاحتیں کرنی
یہ لوگ کیسے مگر دشمنی نباہتے ہیں
ہمیں تو راس نہ آئیں محبتیں کرنی
کبھی فرازؔ نئے موسموں میں رو دینا
کبھی تلاش پرانی رفاقتیں کرنی
Ye kya ke sab se bayan dil ki haalaten karni
Ye kya ke sab se bayan dil ki haalaten karni
Farazؔ tujh ko na aayin mohabbaten karni
Ye qurb kya hai ke tu samne hai aur hamein
Shumar abhi se judai ki saa'aten karni
Koi khuda ho ke patthar jise bhi hum chahein
Tamaam umr isi ki ibadaten karni
Sab apne apne qareene se muntazir us ke
Kisi ko shukr kisi ko shikayaten karni
Hum apne dil se hi majboor aur logon ko
Zara si baat pe barpa qayaten karni
Milein jab un se to mubham si guftugu karna
Phir apne aap se sau sau wazahaten karni
Ye log kaise magar dushmani nibahate hain
Hamein to raas na aayin mohabbaten karni
Kabhi Farazؔ naye mausamon mein ro dena
Kabhi talash purani rafaqaten karni
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں